Avesta - Piştî serdaneka fermîya ber bi Amerîka ve û paşê ber bi Ewropa ve, serokê herêma kurdistanê Mesûd Barzanî vegeriya herêma kurdistanê.

Serokê herêma kurdistanê di roja 22, 01 / 2010 de dest bi evê geşta xwe ya ber bi derveyî welat ve kir û di destpêkê de, dîdar û kombûn bi berpirsên mezinên Amerîka re saz kir.

Serokê herêma kurdistanê di roja 25, 01 / 2010 de kombûnek bi serokê Amerîka Barak Obama re saz da û tê de, behsa rewşa Iraqê bi giştî û rewşa herêma kurdistanê bi taybetî hat kirin.

Di evê geşta xwe de ya ber bi Amerîka ve, serokê herêma kurdistanê gelek dîdar û kombûn bi gelek berpirsên mezinên Amerîka re saz kir û çend korr û semînar jî, pêşkêşî navendên corane (cor bi cor) kir.

Serokê herêma kurdistanê di geşta xwe de ya ber bi Ewropa ve jî, serdana welatê Awustriya kir û dîdarek bi serokê evî welatî re saz da. Herweha, serokê herêma kurdistanê û serokê Awustriya, li şadîmaneka hunermendê kurd Şivan amade bûn.

Serokê herêma kurdistanê Mesûd Barzanî, di evê serdanê de rewşa siyasîya Iraqê û herêma kurdistanê ji berpirsên rojavayî re û bi taybetî ji berpirsên rêvebirîya Amerîka re da nîşandan û ji evê çendê jî giringtir, hilwestên serokatîya kurd ên li beramber pirsên nava Iraqê da nîşandan.. PNA