Kawa Şêxê

Îro, 4 ê Adara 2010 an, ez ji xew rabûm, min Tv vêxist, û nizanim çima destê min li ser dilê min bû. Gelo Adar e û ji ber wê jî tu nizane bê wê çi nûçê bi xwere bîne?

Gelo Dinya ber bi beharê ve diçe û em ditirsin ku dîsa serme û berf veger?

Ez jî nizanim lê bi tirseke mezin min Tv vêxist, weşan tunebû. ROJ TV û MMC herdû jî girtî bûm. Min karê xwe kir ku ez rabim herim serîkî li sênîka (Sêla) xwe bidim û bigerînim, lê min carekê dît ku Newroz Tv heye, min naskir ku mersele ne girêdayî sênîka min e.

Min ji nû1eyên Newroz Tv naskir ku ROj TV rastî êrîşek polîsan hatiye. û piştre jî hêdî hêdî di riya telefonên hevalan re min rewş naskir.

Brîndar hene, zirara madî heye, hevalên girtî hene. kî bawer dike ku ev dîmen li Ewropa çêdibin di mafê çapemeniyê de çêdibin?

Ma gelo heger em li Ewropa rastî van tiştan werin, naxwe emê hêviya çi ji welatên rojhilata navîn bikin ku di bin destê leşker û dîktatoran dene?

Roj tv, berdewamiya yekemîn kenala kurdî ye ji Ewropa weşana xwe dike.

Roj Tv yek ji wan hêviyên kurda ne ku vejîna ziman û hêviyên kurdan li hemû dinyayê kirin.

Roj tv çavê kurdan e li hemû dinyayê û îro jî Polîsan hewil da ku çavê me derxînin? Ma gelo derxistina çavê însanan li Ewropa cezayê wê çiye?

Roj Tv çav û guhê me ye, em li dora ROJ TV dicivin wek çawa em li dora agirê zivistanê bicivin û ew agir hezkirinê di nava me de zêde dike, û me gerim jî dike!

Roj TV sembola medya kurdî ye, tevî ku kenalê kurdî bi dehan jî hene, lê heya ku em li nûçe û mûzîka Roj Tv guhdarî nekin, dilê me rehet nabe.

Em vê êrîşa hovan e şermezar dikin. pir eyb û şrmeke mezine ji Belçîka re, ku tiştekî wisa bi destê polîsan de berde, ew gelek poşmaniya xwe nîşan bide yana emê wana bispêrin dîrokê, û wekû çawa rojek hat me qatilên Helepçe poşman derxistin, ewê rojek were ku emê vî hesabî bi Ewropiyan re jî bibînin.

Kawa Şêxê

kawa142@hotmail.com