Avesta – Malpera Avestakurd rastiya dawetkirina romanivîsê Kurd Yaşar Kemal ji bo Kurdistanê eşkere dike...

Rojnamevan Bekir Şivanî ku ew dawetname bi destê xwe gihande Yaşar Kemal ev daxuyanî da malpera Avesta:

’’Yaşar Kemal roja 24 vê mehê li mala xwe Istanbulê pir bi germî pêşwazî li min û hevalên min kir û min nameye serok komarê Irakê mam Celal Talabanî gihand destê wî. Talabanî di wê nameyê de Yaşar Kemal vexwendibû Kurdistanê. Yaşar Kemal gelek kêfxweş bû û soz da ku di demeke nêzîk de serdana Kurdistanê bike. Wî got ’ez dizanim li Kurdistanê xwendevanên min pir in û ez dixwazim wan ji nêzîk ve bibînim…’ Em qasî 2 seatan li ba Yaşar Kemal man û wî tevî sohbet û axaftinên xweş gelek pêşniyazên kulturî û edebî yên pir giranbuha jî bo Kurdisrtanê anî zimên. Piştre me xatir jê xwest û me li hev kir em li Kurdistanê hev bibînin.’’