Avesta - 9’ê vê mehê li qezaya Qeladizê keçeke 16 alî a bi navê Fatîme Mehmûd ku xwendikara pola heyştê bineretiyê (destpêkê) bû...

xwe şewitand û piştî 2 seatan li nexweşxaneyê jiyana xwe ji dest da. Piştî 2 hefteyan  ji wê bûyerê li heman qezayê jineke 25 salî a bi navê Gewher Îbrahîm jî xwe şewitand û ji ber ku malbata wê ew ranekirin nexweşxaneyê li malê jiyana xwe ji dest da.
Di heqê sedema xweşewitandina Fatîmeyê de kesekê nêzî malbata wê ji Warvînê re got: “Piştî ku bavê wê keçê miriye, diya wê bi zilamekî din re zewiciye û Fatîme, xwîşk û birayên wê bêserpereşt dimînin. Ev yek dibe sedema têkçûna rewşa derûniya Fatîmeyê û herî dawî xwe şewitand û jiyana xwe ji dest da.

Çavkaniyekê ji binkeya polîsê Pişderê ji Warvînê re got: “Rêjay şewata wê keçê ji%100 bû û piştî 2 seatan bêyî ku bikare îfadeyek jê bê wergirtin, jiyana xwe ji dest daye.”

Piştî du hefteyan ji bûyera xweşewitandina Fatîmeyê, li gundê Helşû a heman qezayê (Qeladizê) jî jineke 25 salî a bi navê Ggewher Îbrahîm ji ber arîşeyeke malbatî xwe şewitand û tevî ku rêjeya şewata wê kêm bû, lê ji ber ku malbata wê ew ranekiribû nexweşxaneyê, Gewherê jî bi heman sedemê jiyana xwe ji dest da.

Li gor agahiyên hatine bidestxistin Gehwera 25 salî dayîka zarokeka 7 mehî bûye û di heqê rêjeya şewata wê de jî çavkaniyeke polîs diyar kir ku rêjeya şewata wê jinê %50 bûye, lê belê ji ber ku ranekirine nexweşxaneyê û li malê ji aliyekê jinekê ve bi dermanên kurdewarî hatiye tedawîkirin, piştî du rojan ji bûyerê jiyana xwe ji dest daye.

Divê bê gotin ku li gor amara dawîn a rêvebiriya nehîştina şîdeta li hemberî jinan, li her sê parêzgehên Herêma Kurdistanê Hewlêr, Silêmanî û Dihokê û îdareya Germiyanê ji ber şewatê 207 jinan jiyana xwe ji dest daye. Warvîn