Ji rêveberên Goran  û Berpirsê Herêma Misûl û Behdînanê Xeyrî Şengalî daxuyaniyeke da AKnewsê û got, di hilbijartinên Sîncarê de dek hatine gerandin û encam biguman in.

Şengalî got, di gelek navêndên hilbijartinan de çavdêrên Lîsteya Goran hatine dûrxistin û serbazên asayîşê yên Partiya Demokrata Kurdistan (PDK) jî berpirsên navendên hilbijartinê bûn.

Şengalî got, Hilbijêrên sempatîzanê PDK’yê qilifên naylon li tiliyên xwe gerandine û bi caran deng bikaranîne û hinekan jî boyaxa tiliya xwe bi asetonê paqij kirine û herî kêm jî 3 car deng bi kar anîne.

Berpirsê Pêwendiyên Misûlê yê Hevpeymaniya Kurdistanê Gazî Ferman jî got, “Lîsteya Goran bi awayek xerakirî xebitiye û li deverên Sîncarê û deverên dîtir de pêşmerge û asayîşê tu mudaxeleya hilbijartinan nekiriye.”

Ferman ji AKnewsê re got, “Ger Lîstiya Goran bawer e îdiayên wan rast in, divê şûna ku daxuyaniyan bide medyayê bile werin rû bi rû biaxivin. Di navendên hilbijartinan de polîsê Iraqê û hêzên peşmergeyan bi awayek hevbeş diman.”

ym AKnews