Kurdekî din li Ingiltere 

keça xwe ya 16 salî bi kêran kuşt

London – Avesta

Duh (roja duşemê 29.09.03) dadgeheke bilind ya Înglîz cezayê muebed bi sûcê kuştina keça xwe ya 16 salî da bavekî Kurd.

Bavê bi navê Abdullah Yonus (48) ku tevî malbata xwe berî 10 salan ji Iraqê ji ber rêjîma Sedam reviyabû Ingiltere, pejirand ku wî ji bo "parastina" namûsa xwe keça xwe ya 16 salî kuştiye.

Yonus di dadgehê de ji dadger re diyar kir ku ew sûcdare û layûqû idamê ye.

Li gora ku tê gotin keça Abdullah Yonus ya bi navê Hêşo plan kiribû ku bi xortekî Libnanî re (18) bireve.

Hêşo li dibistanekê rojavayê Londonê xortê Libnanî nas kiribû, û berî niha nameyek ji bavê xwe re wiha nivîsandibû: "Biborînin ku min gelek problem ji we re peyda kirin, weke diyare me heya niha ji hev fêm nekiribû, hinek tişt hene mirov nikare biguhere… "

Piştî kuştina keça xwe, Abdullah Yonus carekê helw dabû ku xwe intîhar bike, xwe ji qatê sisiyan avêtibû, lê tiştek pê nehatibû.

* Suretê keçika kuştî Hêşo ji malpera kurdishmedia hatiye girtin.

VEGERE