NA, EZ  XEMGÎN IM 

Nikarim  biaxifim  lewra zimanê xwe nizanim

Min dixwast  di derheqê  xwe de vebêjim ,  lê dîroka xwe nizanim

Perwerde û zanîna min nîn e,lewra   dibistan tunebûn

Birayê  min nîn e,ew siyasetmedar  bû,hate kuştin

Na ,ez  xemgîn im,hevalên min jî tunin ,hemû di zindanê  de ne

Gundekî min jî  tune ,lewra hate şewitandin

Xanîyekî min jî tune , lewra bi tanq û topan xerakirin

Nikaribûm di welatê xwe de bisekinîyama lewra bi mayînan dorpeç kirîbû

Xwişkeke min jî nîn e,ew rojnamevan bû ,lê nayê xuyakirin

Na,ez xemgîn im,lêzimên min jî tunin ,ji ber şer revîyan

Stranan jî qet nizanim,ew hatine qedexekirin

Nikarim reqs û dîlan jî bikim ,qedexe ne

Qet nikarim çîrokek jî ji we re vebêjim lewra tu kesî ji min re negotîye

Dê û bavê min jî  tunin ,ew hatin dardakirin

Na, ez xemgîn im ,welatê min jî tune ,hatîye dagirkirin……..

Nîşe:Vê helbestê min ji malpera

http://welat.50megs.com 

orîjînala  wî ji Ingilîzî wergirt  Kurdî.

Ji Ingilîzî:Yaşar Başûr

yasarbasur@yahoo.com

VEGERE