radyoya

SBS

Hejmar 89

Tîrmeh(2005)

Li bajarê Kobanî polîsan milet dan ber lêdanê: 50-100 girtî hene

AVESTA – Kobanî

Di roja duşemê 15-8-2005 an de, katjimêr 18:00 û dema ku cemawerê Partiya Hevgirtina Demoqrat ( PYD ) xwestin di boneya 15 tebaxê de xwepêşdanekê di bajarê Kobanî de li darxin, hêzên ewlekariyê û polîsan bi bombeyên deranîna hêsiran û av û lêdanê êrîşî millet kirin, cemawer jî kevir diavêtin wan, derdora 2 katjimêran cemawerê kurd û polîsan êrîşî hev dikirin, û piştî ku millet belav bû, hêzên ewlekariyê û polîsan ranewestiyan û bi nav bajar ketin û bi qamçî û ço berdewam

NAMEYEKE VEKIRÎ BO SEROKÊ HERÊMA KURDISTAN BIRÊZ MESÛD BARZANÎ

Şahînê Bekirê Soreklî

Brayê gellekî hêja Mesûd Barzanî, Serokê Herêma Kurdistanê.

Slavên germ ji cenabê we re rêdikim û hêvîdar im hûn di nav rewşeke şad de bin.

Biryara ku wêneyên we ji ser dîwaran rabin biryareke şaristaniye li gor dem û dewrana welatên pêşkeftî ye.  Girtina vê biryarê pîroz dikim û ji we re spas dikim ji bo vê yekê.  Daliqandina wêneyan bi şêweyeke ji usûlê der ne layiqe serokên hemdemî û xwedan prensîpên pesindanê ye.

Propagandaya arzan, daliqandina wêneyên serdaran li her der û şûnê û bikarhanîna mîdyayê ji bo pesindana serokan şanên desthelatdariyên dîktator û gelên li paş manî ne.  Rûmeta serok û serdaran bi kiryar û berhemên wan e, ne ku bi hejmara wêneyên wan.  Omêdwar im di salên serdarî û rêberiya cenabê we de gelê Kurd li Herêma Kurdistanê bi gavên bezatir ber bi aliyê şaristanî ji cîhanê ve biçe berdewam

Gelo raste em Kurd 40 milyon in..?

Rizgar Kêsteyî , Swêd

Em Kurd di van salên dawî de di nava civîn û hevpeyvîn û nivîsên xwe da berdewam behsa hindê dikin ku hejmara me di gehe 35-40 milyonan. Helbet ev ji aliyekî ve cihê dilxweşiyê ye ku em neteweyek hinde mezinin, lê ji aliyekî din ve em piçek ji xwe şerim dikin ku em gelekî hinde mezin di cîhanê de ta nuha bê dewletin. Lê ew bixwe armanca nivîsa me ya vê care ne ewe ka ev hejmara me ya mezin bo me başe yan ne. Belkî mebesta me ewe em hindekî li ser vê xalê rawestin û bi çavekî bêalî û realîzim temaşey vê meselê bikîn ka... berdewam

PKK hevalekî partiya Rêkeftin kuşt

Heleb-AVESTA: Li gora duxuyaniyeke partiya Rêkeftina Demokrat ya Kurdên Suriyê, roja 12.08.05 li Helebê taxa Şêx Meqsûd, Kamîran Mihemed (foto) kurê Avukat Mihemed Hemze, saat 22.00 li pêşiya deriyê mala xwe ji aliyê PKK ve hate kuştin. Di daxuyaniya Rêkeftin de tê diyarkirin ku Fîdaîyên PKK bi vê çalakiya kuştinê rabûne.

Li gora agahdariyên AVESTA bi dest xwe ve anîne, Kamîran hevalbendekî Rêkeftin bû, ew zewicî bû û bavê zarokekî bû. Hate ragihandin ku berî kuştinê ew gelek caran ji aliyê PKK ve hatiye tehdîdkirin û jê hatiye xwestin ku dev ji Rêkeftin berde.

berdewam

Berê me bi kuda ye?

Salih Kobanî.

Di van herdu mehên dawiyê de rewşa navçeya me naziktir dibe, û rûdan bi leztir diçin:

- Serhildan li rojhilat.

- Gulebarandin li xwepêşanderan li Sulêmaniyê.

- Girtina Kurdistan TV bo 24 seetan.

- Girtina rojnamevan Ako Mohammed.

Gellek caran atmosfera li Sulêmaniyê weke nemûneya peyva azad dihat e nîşandan, û cihê şahnaziyê bû ko li wir bi dehan rojname têne der, bi dehan partî klub, komele… hwd tên avakirin, lê îro polîsê kurd gulleyan dibarîne li pêşanderên kurd yên ko derketin ji bo piştgiriya rojhilatê Kurdistanê. !berdewam 

Ferhengyar Muhemedê Cemîlê Seyda Û xelata 43 salan  bi guhekî bo kurdayetiyê  

Kerem Yûsiv

Ji me tê xwestin mîna her miletekî  ku em zaniyarên xwe ji bîr nekin û cihê wan bidne wan di nav milet de , çimkî dema em cih didine wan em cih didine xwe di pêşerojê de û jibîrkina me ji wan re anuha kuştineke bisaxîtî ji wêje û dîroka me re ye , lewra em dimînin mîna siyekê ji berhemên wan re di çûn û hatina wan de û ta di mirina wa de.

Dîsa navdarek , Ferhengyarek me diçe bêdeng û ne mîna çûna sekretêr an endamê  partiyekê …kêmtir ji 50î kesî di dûv darbesta wî de bûn tevî malbata wî , belê em wihane bi belengazê sityasetê û diravan û ne wihane bi dewlemendan re û ev ne ku ez Seydayê Ferhengyar Muhemedê Cemîlê Seyda nezan dibînim di siyasetê de lê belengaz û dûr ji kursiyan ... berdewam

RAST XWANDIN Û NIVÎSANDINA TÎPÊN KURDÎ  

Kemal Tolan

Hêjayan,

ez bi dilxweşî di gelek rûpelên malperên me Kurdan de dibînim ku piraniya wan gelek giringiyê didine çanda me, xwandin û nivîsandina Kurdî. Ez li gorî dîtina xwe dibêjim, ev karê wan erkekî netewiye û ji xwe li ser her kurdekî ferze ku berî her tiştî xwe fêrî nivîsandin û xwandina zimanê Kurdî bike. Bi dîtina min, ji ber ku her yekê ji me li goriya îmkan û zanîna xwe fêrî nivîsandin û xwandina zimanê dayîka xwe buye û hinek kêmasiyên xwandin û nivîsandina me hebin jî normal e.

 berdewam

Sernivîserê rojnameya Mîdya Ako Mihemed li Hewlêrê hate girtin

Kerîm Sincarî ji medyayê çi dixwaze?

Hewlêr/AVESTA: Wezareta hundir ya Kurdistanê li Hewlêrê sernivîserê rojnameya hefteyî Mîdya Ako Mihemed girt.

Berî niha wezîrê hundirê yê hikûmeta Kurdistanê (Hewlêr) Kerîm Sincarî (foto, çep) ekranên Kurdistan Tv tarî kirin. Niha polîsan dişîne rojnameya Mîdya ku heftane li Hewlêrê derdikeve û sernivîserê wê Ako Mihemed digire û wî bi sûcên giran tewanbar dike. Berpirsiyarê nivîsaran yê rêjnameyê Ako Mihemed, ji hevkarê me re diyar kir ku wan di hejmara 200 encama ankêtekê belav kirin... berdewam

Hevpeyvînek ligel rojnamevan Farûq Hecî Mistefa

“Di nava Kurdan de partîtî hîn jî xurt e”

Hevpeyvîn: Silêmanî/Mihemed Hemo

Peyamnêrê rojnameya libnanî Al Musteqbel û nivîskarê rojnameya Al Hayat Farûq Hecî Mistefa (ji Kobanî) ji bo xebateke rojnamegerî li başûrê Kurdistanê ye. Mihemed Hemû ev hevpeyvîn ji bo Avesta pêre çêkir: ..berdewam

Amerîka vîzaya çûna Neteweyên Yekbûyî nade serokê Îranê Ehmedî Necad

Parîs-AVESTA: Berdevkê wezareta derve ya Amerîkî di daxuyaniyekê de ragihand ku ew difikirin li Ehmedî Nejad, serokê Îranê yê nû qedexe bikin ku biçe beşdarî civînên Neteweyên Yekbûyî bike li New York. Ajansa nûçeyan ya frensî AFP radigihîne ku Ehmed Nejad daxwaza vîzaya amerîkî kiriye ji bo ku xwe bigihîne New York, lê belê heya niha wezareta derve ya amerîkî bersivek nedaye. Tu gumankirin ku Mehmûd Ehmed Nejad di sala 1979 de li Tehranê beşdarî girtina rehîneyên amerîkî bûye, li sefareta Amerîka li Îranê. .. berdewam 

Wezîrê Derve yê Îngiltere Robin Cook ji ser çiya ket û mir

London-AVESTA: Wezîrê derve yê Îngiltere yê berê Robin Cook, di dema meşeke çiyayî de li çiyayê Ben Stack  li  Îskoçya, ji ser hişê xwe çû ket.

Cook bi helîkopterê rakirin nexweşxaneyê, lê belê hewldanên doktoran tu encam nedan, li wir wî jiyana xwe ji dest da.

Robon Cook (59) parlamenterê Partiya Karker bû, û serpkê Meclîsê bû, lê dema ku Îngiltere ligel Amerîka êrîşî Iraqê kirin, ew li dijî derket û ji seroktiya meclîsê û wezaretê xwe paşve kişandibû.

DESTHILATDARÎ Û SERXWEBÛN  

Hevpeyvînek bi hunermendekî kurdî

serbixwe re

Miço Kendeş

- Gotina HUNERMENDÊ SERBIXWE bi dîtina we tê çi wateyê ?

* Gava hunermendek li hundirî welat di bin sîya partîyan û li gor nerîn û helwestên wan kar û xebata xwe ya hunerî neke ; ew, pirr caran, wek

tirsok, newêrek û kesekî ji berpirsiyarîyê direve binav dibe. Jixwe ku navê sîxurî û hevalbendîya bi dijmin re jî bi dû wî nekeve.

 Gotina SERBIXWE, bi rengekî ji rengan, gotineke nû ye di dîroka mirov de ; di demên borîn de, mirovek di bin desthilatdarîyên  berdewam

Abdullah Öcalan: “Dibe ku min bikujin”

Murat Karayilan Tirkiyê tehdîd kir:

„Eger ziyanek bigihêje

Öcalan emê Ankara wêran bikin“

Frankfurt-AVESTA: Serokê PKK Abdullah Ocalan di dema serdaneke zindanê de ji birayê xwe Mihemed Ocalan re got: „Îhtîmaleke mezin heye ew bi awayekî fîzîkî min ji holê rakin…“ Di derbarê vê hevdîtinê de Mihemed Ocalan daxuyaniyek da ajansa Tirkî ANKA û got ku, birayê wî gotiye, ... berdewam

Li Silêmaniyê meşek ji bo Kurdên Rojhilat 

Silêmanî-AVESTA: Li Silêmaniyê kolana Salim meşeke mezin ji bo piştgiriya Kurdidên Rojhilat pêk hat. Di meşê de diruşmeyên weke “Bimire rêjîma Îslamî li Iranê… Bijî Berxwedana gelê me li Iranê… Bijî berxwedana li Seqizê…” hatine avêtin. Meşê bi qasî 2 saatan berdewam kir. Li gora peyamnêrê me li Silêmaniyê hêzên ewlekariyê nexwestine meş dirêj bike û bi teqandina sîlehan meşvan ji hev belav kirine.

Serokê Înstîtuya Kurdî li Tehranê û sernivîserê rojnameya Aştî Behram Weled Begî:  

“Emê piştî girtina Aştî

rojnameyeke din derxînin…”

Bonn-AVESTA:

Berpirsiyarên wezareta ferhengî li Îranê bi awayekî fermî rojnameya Aştî rawestandin.

Rojnameya Aştî li Tehranê ji aliyê Înstîtuya Kurdî ve bi awayekî profesyonel derdiket û li Îranê û Kurdistanê dihate belavkirin û yek ji rojnameyên herî baş dihate naskirin.

Tîraja Aştî 25.000 bûn û bi tevayî dihate firotin.

Aştî bi du zimana derdiket, farisî û kurdî (8 rûpel kurdî, 8 farisî), di beşê kurdî de, rûpelek bi latînî bû... berdewam

Li Saqizê 13 kurd hatin kuştin

AVESTA-NetKurd: Seqiz: 13 şehîd û du ji wan zarok in, rewş dijwar e!

 Agahdariyên ji bajarê Seqiz, rojhelatê Kurdistan tên pevçûnên dijwar çêbûne navbera xwepêanderan û hêzên dewltê ji polis, asayş û ittlaatan. Dewletê hêzên zêde anîye bajar da rewşa ne aram kontrol bike. Xelkê kurd bi ber, dar û her tiştê bikeve destê wan berevaniya xwe dikin  ... berdewam

Hevpeyvînek ligel Serokê Yekîtiya Nivîskarên Kurd-Duhok Hesen Silîvanî:

"Ji bo kurdî tîpên latînî, bi gelekî ji tîpên erebî baştir in"

Başûrê Kurdistanê (Duhok)

Dilbixwîn Dara, Hêvîdar Zana

Di serdana xwe ya Duhokê de me navenda Yekîtiya Nivîskarên Kurd-Duhok ziyaret kir. Me hevdîtinek ligel serokê Yekîtiyê kak Hesen Silîvanî pêk anî û ev hevpeyvîna li jêr pêre çêkir:

 Yekîtiya Nivîskarên Kurdistanê xwe dispêre dîrokeke kevin, tu dikarî ji me re hinekî li wê dîrokê vegerî? .. berdewam

Kesên ligel Leyla Ferîqî kar dikin ji “pozbilindiya” wê ne razî ne

Hewlêr-AVESTA: Leyla Ferîqî li başûrê Kurdistanê li Hewlêrê klîpeke nû dikişîne.

  Ji Swêdê tîmek ligel wê ye.

Ji Diyarbekirê grupeke folklorê di klîpê de dilîze. Ew tenê dizanin bi kurdî bireqisin, lê belê Leyla ji wan lîstika Balê dixwaze.

  Çend keçikên ciwan ku ji Diyarbekirê hatibûn Hewlêrê ji bo ku di klîpa Leyla Ferîqî de bilîzin, ji peyamnêrê AVESTA re ragihandin ku “tu nemaye ew ji qehra Leyla re vereşin…”

  Ew gazinan dikin ku Leyla (foto, Medya) bi xêrhatina wan nekiriye û ew di nava mêvanên din de biçûk kirine û ji wan re gotiye: “hûn ne hêjayî hatina vir in…”

berdewam

Wezîrê Pêşmergan Hemîd Efendî jina 5. anî

jina 5. temenê wê 26 sal in!!!

Hewlêr-AVESTA:  Wezîrê Pêşmergeyan (hikûmeta Hewlêr) Hemîn Efendî jina 5. anî ser 4 jinan.

Ji ber ku li gora îslamî anîna jina 5. ne rewa ye, Hemîd Efendî li berdana jineke xwe maye heyirî. Efendî bi riya telefonê ji rojnameya hefteyî Mîdya re diyar dike ku wî her tişt bi riya şerîet û zagonê kiriye. Wezîr Efendî navê jina xwe ya nû jî dibêje: “Navê wê Awat Merûf e (foto, Hawlatî), temenê wê 26 salin û ji kolêja zimanê înglîzî zanîngeha Selahedîn derçû ye…” Awat Merûf jî ji aliyê xwe ve daxuyaniyek da rojnameya Zarî Kurmancî ku li herêma Soran derdikeve got: “Ez bi vê zewacê gelekî kêfxweş im, eger ku min hez nekiriba min nedikir” Gelo wê jina 6. qismetê kîjan keçê be?!

Wezareta hundir ya Kurdistanê ji bo 24 saatan Kurdistan-TV girt

Li gora daxuyaniyeke Kurdistan TV di ekranê de, ji ber hinek sedemên ku diyar nake, wezareta hundir ya Kurdistanê biryara rawestandina weşandina KTV 24 saatan daye.

Mesûd Barzanî: „Em bazara li ser mafên xwe napejirînin“

Hewlêr-AVESTA: Serokê Kurdistanê Mesûd Barzanî îro roja Duşemê piştî civîna polîtbîroya her du partiya PDK û YNK daxuyaniyek da rojnamevanan û got: “Di destûra Îraqê de em napejirînin bazar li ser mafên me were kirin…”

Barzanî got: “Tiştên Kurd dixwazin ne gelek in, ew xwediyê hîn zêdetir mafan in…”

Mesûd Barzanî wiha berdewam kir: “Munaqeşe li ser pirsa federasyon, pêşmerge û Kerkûkê nabe…”

berdewam

Silêman Demîrel:

”Îroj 100 hezar pêşmerge hene ew rênadin em derbasî başûr bibin“

NetKurd-AVESTA: Serokkomar û serokwezîrê Tirkiyeyê yê kevin Silêman Demîrel îroj di televizyona CNN-Tirkê de beşdarî bernameya zindî ya bi navê Ankara kulisi bû.

Di bernameyê de gotinên balkêş hatin kirin. Mijara bernameyê kurd û Kurdistan bû û herweha beşdarvan li ser rojevê jî rawestiyan

Bernameçêkir ji Demîrelî pirs kir û got ku ew ê pirsgirêka kurdan çawa çareser bibe? Demîrelî waha bersîv da: ”Li Enedolê, ev hezar sal in ku dewlet heye û tu caran dewleta kurdan çêne bûye! Lê di dinyayê de 30 milyon kurd hene û ne îroj, em berê jî dibên ku wek di prensîbên Nillsonî jî de hatiye diyar kirin, mafê her neteweya heye ku bibe dewlet. Lê em gelê Enedolê giştik ji vê dewletê nên dixwin, divê em sînorên vê dewletê biparêzin. Feqet çênabe ku kesek bêje, ”ez kurd im” û tu jê re bibêjî ku na, tu tirk î! berdewam

Fermandarê Giştî yê Pêşmergeyên Zêrevan General Ezîz Weysî:

"Barzaniyê nemir ji bo min serleşkerekî nimûne ye"

Ji Hewlêr-Başûrê Kurdistanê

Dilbixwîn Dara , Hêvîdar Zana

foto: Hesen Alî   ... berdewam

Musteşarê Nêçîrvan Barzanî yê rewşenbîrî û berpirsiyarê giştî yê Dezgeha Aras 

Bedran Ehmed Hebîb ji avesta re axifî

Serokerkan Babekir Zêbarî Pêşmerge ziyaret kirin

Avesta /HEWLER/H.ALİ HASAN

Serokerkanê artêşa Iraqê Babekir Zêbarî fermandarê Hêzên Zêrevan general Azîz Weysî li Hewlêrê ziyaret kir. 

Di serdana xwe de Zêbarî bal kişande ser ewlekariya li herêma Kurdistanê û got: “pêşmerge roleke mezin di ewlekariya Kurdistanê de dilîzin, ji ber vê yekê ez hatime vê derê, ez hatime we pîroz bikim...”

General Weysî jî ji aliyê xwe ve bi xêrhatina Serokerkan Babekir Zêbarî kir û got: “hatine we ji bo me şerefek e, pêşmergeyên me ne tenê di ber parastina Kurdistanê...” berdewam

Li Hewlêrê Konferansek li ser Terorîzmê tê li darxistin

Hewlêr-AVESTA: Di hevdîtinekê de ligel oldar û zanyarên dînî, serokê Kurdistanê Mesûd Barzanî ji wan xwest amadekariya lidarxistina konferansekê li ser terorîzmê bikin.

Li gora daxuyaniyeke Wezareta Ewqaf û Karûbarên Olî, wê ev konferans bi awayekî hevbeş di navbera hikûmeta Silêmanî û Hewlêrê de çêbibe.

Berpirsiyarê Ragihandinê di wezareta Ewqaf û Karûbarên Olî de Merîwan Neqişbendî diyar kir ku ji bo li darxistina konferansê komîteyek hatiye avakirin û wê ev komîte di hefteya pêşiya me de civîna xwe çêbike.

berdewam

Tirkiyê bi awayekî fermî mohra Kurdistanê qebûl kir

Hewlêr-AVESTA: Rêwiyên ku ji başûrê Kurdistanê derbasî bakur dibin mohra hikûmeta herêma Kurdistanê li ser pasporta wan dikeve.  Di 4 vê mehê de hikûmeta herêma Kurdistanê biryar da ku mohra hikûmeta herêma Kurdistanê li ser pasporta rêwiyankeve. Li gora rojnameya Evro, hikûmeta Tirkiyê vê mohrê qebûl dike, tevî ku li wê derê navê Kurdistanê bi hemû awahî qedexe ye.

AVESTA derbasî kampa Penaberên Kurdên Suriyê li Duhokê bû

Kampa Penaberan, Duhok-AVESTA:

"Me bişînin welatekî din"

Ekîba AVESTA derbasî kampa penaberên Kurdên Suriyê bû li Duhokê.

Nêzîkî 130 kesî li Kampê dimînin. Zarok, jin, keç, kalepîr û ciwan ligel hev di bin çadiran de ne, her hinek ji bajarekî hatine, hinek ji Efrîn, malbatek ji Kobanî, lê piraniya wan ji herêma Qamişlo, Dêrîk, Hesîçe û deverên din in.

Penaber bûne du beş, beşek dixwaze li Kurdistanê bimîne, rewşa wan baştir e, hikûmet karûbarên wan birêve dibe, ew ji rewşa xwe razî ne û dixwazin li Kurdistanê niştecih bibin... berdewam

Fatê Were Civatê -1-