radyoya

SBS

Hejmar 90

Tebax (2005)

Serokê DEHAP di DTH de nabe endam jî

Serokê DEHAP û Hatip Dicle bi hev ketin

Istenbul-AVESTA: Partiya DEHAP xwe fesix kir û tevlî Rêxistina Civaka Demokratîk bû.

Serokê DEHAP texmîn dikir ku ewê di DTH de berpirsiyariyeke bilind bigire, lê belê ew weke endam jî nehate pejirandin.

Rojnameya tirkî Akşam radigihîne ku Hatip Dicle (foto, çep) bersiva serokê DEHAPa xwetunekirî Tuncer Bakırhan daye û jêre gotiye: “here li herêma xwe xebatê bike... berdewam

Li nivîskar û siyasetvan Mişel Temo derketina derve hate qedexekirin

Qamişlo-AVESTA: Hêzên ewlekariyê yên Suriyê nehîştin berpirsiyarê rêxistina Teyar Al Musteqbel ya kurdî li Suriyê Mişel Temo ji welat derkeve.

Li gora daxuyaniyeke rêxistinê, roja 30.08.05 Mişel Temo xwestiye di sînorê Bab El Hewa re derbasî Tirkiyê bibe, lê belê hêzên ewlekariyê li gora talîmateke ji wezareta hundir ya suriyê lê qedexekirin ku derbas bibe.  

Ji Mişel Temo hate xwestin ku serî li asayîşê bide.

Komeleya Mafên Mirovên Kurd li Suriyê RUWANGE daxuyaniyek li raya giştî belav kir û xwedîderketina li nivîskar û siyasetvanên Kurd derkevin û zorê li Sriyê bikin ji bo ku rê li pêşiya binpêkirina mafên mirovên Kurd were girtin.

Weke tê zanîn li nivîskar û rojnamevanê Kurd Îbrahîm Yosuf jî hatiye qedexekirin ku karê xwe yê rojnamevaniyê li Qamişlo û derverên din berdewam bike.

PENABER di rojnameya Libnanî Al Musteqbel de

Rojnamevan Farûq Hecî Mistefa di rojnameya Libnanî Al Musteqbel de nivîseke danasîna pirtûka Penaber ya Dilbixwîn Dara, ku li Istenbulê ji aliyê weşanên Elma ve hatibû weşandin, belav kir. 

Rojnameyê diyar dike ku di Penaber de gelek caran rewşa penaberên Kurd yên li Ewropa bi awayekî karîkaturî hate diyar kirin.

Penaber bi dorferehî di rojnameya Al Musteqbel hatiye danasîn.

Hûn dikarin wiha xwe bigihînin PENABERa di Al Musteqbel de...

sûret mezin bike

ENCAMÊN HEVKARIYA PDK-PUK Û DESTÛRÊ ÎRAQÊ

Şahînê Bekirê soreklî

Di nav Kurdan de lomekirin û rexnegiriya nerênî hema-hema sinçiyekî neteweyî ne.  Propaganda û pesindana navxoyî ya rêxistinan li aliyekî, bi şêweyeke gelemper Kurd kêm pesna hev û din didin.  Şarezayên perwerdekirina nûjen weha bawer in ku gellek caran “positive reinforcement” (pesindana erênî) ji “negative reinforcement” (rexnegirî yan cezakirina nerênî) bêhtir sûdmend e.  Wek nimûne, dema şagirtekî xwendegehê di maddeyekê de encamên baş û di yeke din yên bed bi dest xe ew ê ji bo morala wî şagirtî û amancên dûr baştir be ku berê derheqê encamên baş de bihête pesindan.  Gotinek heye dibêje, “Derbarê satila nîvçe de yê bixwaze dê aliyê tiji bibîne û yê nexwaze dê aliyê vala bibîne.”  

Di nav 20-30 salên derbas bûnî de rexneyên gellekî tûj û berdewam berdewam

Mehmet Uzun di bin tehdîda kuştinê de ye  

- Mehmet Uzun ji bo La Figaro: „ez hatime tehdîdkirin… jiber vê yekê ji Tirkiyê derketim“  

- Û ji bo MHA: "ez nehatime tehdîdkirin..."

Istanbul-AVESTA: Di hevpeyvîneke xwe de ligel rojnameya frensî Le Figaro, nivîskarê Kurd Mehmet Uzun diyar dike ku ew bi kuştinê hatiye tehdîdkirin.  

Li gora hinek nûçeyên medyayê Uzun di nava 250 rewşenbîrên ku PKK ew xistine lîsteya kuştinê de cih digire.

Uzun ji La Fogaro re dibêje wî tatîla xwe di nîvî de qut kiriye û ji Tirkiyê derketiye.

berdewam

Li Silêmaniyê Qaçaxciyên Entikeyên bi nirx hatine girtin

Silemanî-AVESTA

Piştî şopandikene ji nêzîk ve, hêzên asayîşa Silêmaniyê dest danîn ser gelek tiştên Entîke yên bi nirx, ku 2 qaçaxciyan dixwestin wan birevînin derve.

Çavkaniyên asayîşê li Silêmaniyê dibêjin, ew entîqe ji Bexdayê hatine revandin û niyeta qaçaxciyan ewbûye ku wan tiştan bibin li Iranê bifroşin. 

Asayîş radigihîne ku ew qaçaxcî niha li cem wan girtîne û di pêvajoya lêpirsînê de ne.

Her wiha li aliyê din, dewriyeke asayîşê 3 qaçaxcî girtin. Wan jî dixwestin sandiqeke dîrokî pir bi nirx ku bi ava zêr hatibû neqişandin birevînin derve.  

Berpirsiyarê Asayîşê li Silêmaniyê Serkewt Hesen diyar kir ku ew lêkolîn û lêpirsînê berdewam dikin. berdewam

Li bakurê Kurdistanê li derveyî PKK partiyên nû têne avakirin

Şerafettin Elçi... Abdülmelik Firat... Ümit Fırat

Istenbul-AVESTA: Siyasetvanên ku li derveyî PKK xebatê dikin dest bi hewldana avakirina partiyên nû kirine.

Ev şexsitey û grupên ku dest bi karê rêxistinî kirine, ji du aliyan ve dixebitin: 1. serokê giştî yê HAK-PAR Abdülmelik Firat, biryar da ku ji Enqerê dest pê bike. 2. Wezîrê berê siyasetvan Şerafettin Elçi (foto) plana damezirandina partiyekê dike. Tevgera A. Firat wê roja Îlonê civîneke giştî li darxîne.

Ev grup dixwazin ji Tevgera Civaka Demokratîk re ku Leyla Zana û Hatip Dicle rêberiya wê dikin û bi dîrektîva PKK kar dike, dixwazin bibin alternatîv ji bo çareserkirina pirsa kurd.. berdewam

Wezîrê hundir yê Kurdistanê Kerîm Şingalî:

“Bi pêşmergeyan serê me bilind e”

HESEN ELÎ/HEWLÊR: Wezîrê hundir yê herêma Kurdistanê Kerîm Şingalî fermandariya Pêşmergeyên Zêrevan ziyaret kir. Fermandarê giştî yê Hêzên Zêrevan general Ezîz Weysî û serlepkerên din pêşwaziya Şingalî kirin.

Di serdana xwe de Şingalî bal kişande ser rola pêşmergeyan û wiha got: “Pêşmergeyên Zêrevan roleke mezin di ewlekariya Kurdistanê de dilîzin. Li Iraqê her roj bomba diteqin, ewlekariya li wir di bin tehdîdê de ye, em li Kurdistanê di nava ewlekariyê de ne, di vir de rola Pêşmergeyên Zêrevan bilind e, em deyndarê wan in...” 

berdewam

Îsraîla Dûyemîn?!

Mihamed Elî COCO

Tevî  ku  Ala Îsraîlê li Ezmanê Dewletên Ereban bilind (direqise)!!, tevî ku gilêz jî bi devê Ereban ketiye bo xatirê têkilî û pêwendiyên bi dewleta Îsraîlê re!!, û tevî ku rêjîmên Ereban (nemaze rêjîma Sûrî) bi dizî û aşkere her roj sola Îsraîlê maç dikin û razîkirina wê û dosta wê  -Emerîka- dixwazin!!. Lê tevî vê gişî jî,  ji kevin da û heya bi îro Ereb li ser me Kurdan dibêjin ku em Îsraîla Dûyemînin!!.

De werin gelo bibhîsin: “Şûjina xelkê xuya nake, derziya me xuya dike!!! berdewam

SERSAL

Mihemed Elî, Efrîn
Sersal çalakiyeke ji çalakiyên gelêrî ên Herêma Efrînê ye, berê bi teşeyekî çalak û firehtir dihat çêkirin, nemaze, wexta jiyana mirovan tekûz biçandin û berhemên xwezayê ve girêdayîbû. 

Sersal bi resenê xwe diyardeyeke olî ye, ango ji baweriya ku xwedê desthilatdarê her tiştî ye tê, û bêyî razîbûn û pesenda wî, ne pêkan e tu tişt li ser rûyê zemîn çêbibe. Heyama peydabûna vê têgînê vedigere destpêka jiyana mirovê baqil, wê çaxê mirov hêma û sembolên xwezayê wek hêzên nediyar dihesibandin, û roj ji rojê têgîna ku ew hêz mirovne jîndar in, û ji ber ku hêzeke wan a taybet heye, mirovên asan nikarin tu caran wek wan bibin peyda bû, hingê raman û têgihêştina mirovê asan  navê xwedewandan li wan kir, û her hêzeke xwezayê bi xwedewandekî hat bercestekirin, her wiha xwedawendê şer, mirinê,berdewam

Fîlma "Kûsî jî dikarin bifirin" li Romanya xelata yekemîn stand

Delta Danûb û Bahman Qubadî

Hoşyar

Ji bo dîtina hin tiştên zanistî me pêwîst dît ku biçin Delta Danûb, ew cihê ku çemê Danûb dikeve nav Derya Reş li welatê Romanya. Dem 14 ê meha Tebaxê bû, ez û du hevalên xwe yên Romanî bi turumpêla yekî ji wan ji bajarê „Cluj” derketin û berbi Delta Danûb ve çûn.berdewam

Sefîrê Lîbya li Swêdê kuştî hate dîtin

Stockholm-AVESTA : Li taxeke paytexta Swêdê Stockholm sefîrê Lîbya yê li wir Abdurrahman Sasi Zenbile roja sêşemê (23.08.05) di mala xwe de kuştî hate dîtin... berdewam

Rojda Gezgincî: Hem tecawizî wê kirin, hem jî poz jêkirin

Diyarbekir-AVESTA: Li Diyarbekirê xezûranên jina Kurd ya bi navê 

Rojda Gezigincî (15, foto), zor li wê kirin, ji bo ku biçe karê fahîşetiyê bike. Wê ev yeka nepejirandiye, lê bi zorê ew hatiye tecawizkirin, piştre jî pozê wê hatiye jêkirin.

Malbatên Amerîkî xwedî li Rojda Gezgincî derketin. 

Van malbatan bi riya sefareta Amerîka li Tirkiyê xwestin ji bo vê jina Kurd, alîkariya madî pêşkêş bikin, her wiha wan diyar kirin ku ew amade ne wê bibin li derve derman bikin. Van rojan her kes li Rojda digere. Lê belê ew wenda bû ye. Malbata wê dibêje "wê xwe li Qiziltepe xwe veşartiye", lê parêzerê wê jî diyar dike ku "ew derbasî Suriyê bû ye."

... berdewam

GÎHANEK Û BIHNOK

Ez dixwazim piçek li ser rastnivîsandina peyvên gîhanek û li gel wan peyvan bikaranîna bihnokê(,) rawestim. Gelo di zimanê kurdî û hînd-ewropî de mirov dikare piştî an jî berî gotina gîhanekî îşareta bihnokê (vîlgulê) bi kar bîne?  Di van demên dawî de dema mirov bala xwe dide çi nivîsarên ser kaxez û çi jî yên înternetê, dibîne ku gelek nivîskar piştî an jî berî  peyva gîhanek îşareta bihnokê(,) bi kar tînin. Ez  dixwazim di vî warî de pêşî çend nimûne bidim û  peyvên gîhanek û îşareta bihnokê bi rengê sor binivîsim ku pirsgêrek baş diyar û zelal bibe... 

berdewam

Li Wanê endamekî PKK hate girtin

Di encama operasyoneke li Wanê endamekî PKK hate girtin.

Li ajnansa Anadola tirkî, li navenda bajarê Wanê hêzên ewlekariyê kadroyekî bi navê Özcan Gözcü (Rojhat) giritn. Nûçe radigihîne ku ew ew di dema derbasbûna otelekê de li cadeya Kazim Karabekir hatiye girtin. Bi kesê girtî re 1 kalaşnîkof û şarjor fişek hatiye girtin. Özcan Gözcü ji Dêrsimê ye.

Nivîskar û Hunermendên Kurd li Istenulê civîneke çapemeniyê li dar xistin:

“Daxuyaniyên serokwezîr Erdogan

hêviyek dan çareseriya pirsa kurdî...”

Istenbul-AVESTA: Îro roja 22.08.05 saat 12.00 nîvro li Istenbul li otela KYA rewşenbîrên Kurd di derbarê pêşveçûnên dawiyê de civîneke çapemeniyê li darxistin. Di civîneke çapemeniyê de rewşenbîrên Kurd li Istenbulê piştgiriya xwe ji bo agirbestê diyar kirin û gotin, destpêkirina şer wê ziyaneke mezin bigihîne doza kurdî... berdewam

Pêşmergeyan Kilîseya Dîrokî ziyaret kirin

BERTÎLLA/HESEN ELI

Başûrê Kurdistanê mozaîka kultura gelan e. Di her fersendê de  di navbera olan û gelan de têkiliyên germ çêdibin. Fermandarê Pêşmergeyên Zêrevan General Ezîz Weysî ligel heyetekê, Klîseya Mar Marta (foto) ku 35 km. Bakurê rojhilatê Musuê dikeve û berî zayînê di sedsala 4. de hatiye avakirin, ziyaret kir. berdewam

Ezberkirina Stranan

Dilbixwîn Dara

Wê rojê ez li ber ekranên televîzyonên kurdî bûm. Di van televîzyonan de gelek programên ku ne hêjayî temaşekirinê ne hene. Gelek kesên ku nizanin li kamerayan binêrin, nizanin baş bi kurdî bixwînin, nikarin bi mêvanên xwe re bi rihetî bidin û bistînin, pirsên xwe ji bîr dikin, pirsan di cih de nakin… pirsên ku dikin jî guh nadin bersivan… û hwd. derdikevin pêşberî te

Jixwe spîkerên kurmancî, hinek ji wan hene “nêr” û “mê” ji hev nakin der. Rêziman tevlîhev dikin. Ez heta niha jî fêm nakim, ew kes çima ranabin ji xwe re li karekî din nagerin.

Di wan ekranan de hinek bûyerên din jî hene gelekî balkêş in... berdewam

Rewşenbîrên Kurd li ser kaniya Helebçe tîna xwe bi ava Tirkan dişkînin

Mihemed Hemo/Silêmanî

Di rojên 11,12,13.8.2005 de naçeya Edeb û ronakbîriya HELBÇE festîvalek bi rêvebir. Di hola Şehîdên Helbçe de gelek nivîskar, helbestvan û rewşenbîrên Kurd amede bûbûn, her roj jî firavîn û şîva mêvanên xwe li ser kaniya Serçavkê didan, ew kaniya wek 2 km. dûrî Helbçe ye. Lê kaniyeke her kesekî carekê av jê vexwaribe, her bi hesreta vexwarina wê avê dimîne, hîngî aveke wê kaniyê xweş û zelal heye û li şûneke xweş e. Lê mixabin gava em mêvan çûn ser kaniyê, kursî û maseyên xwe rêz kirin ji berî her... berdewam

Musteşarê Nêçîrvan Barzanî yê rewşenbîrî Bedran Hebîb li Bonnê hevdîtinek ligel rewşenbîr û nivîskarên Kurd pêk anî

Bonn-AVESTA: Musteşarê serokê hikûmeta Kurdistanê yê rewşenbîrî û Berpirsiyarê Dezgeha ARAS Bedran Hebîb li Almanya bajarê Bonnê hevdîtineke berfereh ligel rewşenbîr û nivîskarên Kurd pêk anî.

Di vê hevdîtinê de Bedran Hebîb bi dorferehî li ser rewşa Kurdistanê rawestiya û diyar kir ku li wir bingeha dewleteke kurdî tê danîn, Bedran Hebîb got: "Gelek pirsgirêkên me hene, weke Destûr, Kerkûk û sînorê Kurdistanê… lê belê tevî hemû pirsgirêkên jî, em li wir ji bo hemû gelê Kurd di avakirina Kurdistanê de dixebitin… ew der ne tenê ji bo gelêbaşûre, ew ji bo tevayî gelê Kurdistanê ye, cihê her Kurdekî li wir heye, mafê her Kurdekî di wê … berdewam

Çêştî Micêwir* Û Hejar Mukriyanî

Muhsin Seyda 

Bavê wî kitêbek ji kitêbên dîroknivîsê ereb  Ebdullrehman Elsiyûtî dixwend gava mizgîniya  jidayikbûna kurê wî danê, wî jî navê  xwediyê kitêba di destê xwe de  li kurê xwe kir,lê nedizanî ku hejmara berhemên kurê wî dê ji yên Elsiyûtî derbasbe  û ne jî dizanî ku Ebdullrehmanê  wî dê bi navekî dî derbasî cîhana helbest û nivîsê bibe; bi navê Hejar. 

Navekî  wekî jiyana wî, jiyana penaberî û belengaziyê, jiyana şahidê têkçûna yekemîn komar di dîroka kurda ye hemdem de. Hejar Mukriyanî, ew jî wekî hin navdarên kurd, piştî jiyaneke dagirtî ji serpêhatî û bûyeran bîranînên xwe nivîsîne, bi taybet ji bo kurê xwe Xanî ku ji  çar kuran her ew  tenê maye. Seydayê Hejar " Çêştî Micêwir "di demekê de nivîsiye ku îdî  ne tenê çavên  wî lawaz bûne, lê çavên bîr û hişên wî jî lawaz bûne (ji hezar tiştên ku hatine serê min sed nayên bîra min).rp2. berdewam

Kurdê li serê çiyayê Everestê: Mihemed Hewraz:

  “Wê dîrok bibêje ka min çi ji bo Kurdan kiriye”

Hêvîdar Zana/Nexede (Rojhilatê Kurdistanê) :

Ew di sala 1348 (hicri)an de li bajarê Nexede ji dayikbû. Di heman salê de, malbata wî ji ber sedemên siyasî ji bo bajarê Kaşmer hat sirgûnkirin. Di sala 1350 de careke din vegeriyan Nexede. Mihemed Hewraz di sala 1354an de dest bi xwendinê kir. Wî di sala 1366an de xwendina xwe ya bilind kuta kir û dîplomaya xwe ya beşê aborî wergirt. Xwendina wî aborî bû, lê meraqa wî çiyavanî bû. Di encam de jî wî ji bo pêkanîna xeyala xwe, grûbeke çiyavaniyê bi navê Qendîl damezirand û dest bi perwerdebûnê kir. Di sala 1376an de li Pakistanê derket...

berdewam

Computerên xwe ji vîrusên "W32.Zotob.E" û "W32.Esbot.A" biparêzin

AVESTA: Van her du vîrusan li CNN, New York Times û ABC xistin.

Li Amerîka, Almanya û Asya ev her du vîrus ketine PC an.

Navenda Ewlekariyê ya Symantec daxuyaniyek da û got ev her du vîrus tehlûke ne. Hate ragihandin ku vîrusa ''Zotob.E'' tenê dikare Windows 2000 xerab bike. Ev vîrus nikare zerareke xerab bigihîne sîstemên (Win95/98/ME/NT4/XP) . Ev vîrus PC di deqeyekê de vedimirînin. kesên bixwazin xwe ji van vîrusan xelas bikin bila serî li vê navnîşanê bidin: http://securityresponse.symantec.com

Makyaj çi dike û çi nake

Di rastiya xwe de meriv nan ji destê gellek lîstikvanên navdar nagre. Lê vê makyajê gellek kesên nebedew dewlemend û navdar kirin. Derket holê ku gellek ji lîstikvan, model û muzîsyenên navdar newek xweşikî û bedewbûna xwe ne. Di navbera makyaj û bêmakyajbûna wan de ferqek gellek mezin heye. SkyNews ê rastiya gellek navdaran derxist holê. Gellek navdar û stêrkên ku bi milyonan kes heyranên wan in, di jiyana xweya rojane de ne wek bedewbûna xwe ne. SkyNews ê rastiya gellek navdar, stêrk, lîstikvan, spîker, muzîkvan û gellekên din raxist ber çavan. Hinek ji wan ev in. berdewam

Li bajarê Kobanî polîsan milet dan ber lêdanê: 50-100 girtî hene

AVESTA – Kobanî

Di roja duşemê 15-8-2005 an de, katjimêr 18:00 û dema ku cemawerê Partiya Hevgirtina Demoqrat ( PYD ) xwestin di boneya 15 tebaxê de xwepêşdanekê di bajarê Kobanî de li darxin, hêzên ewlekariyê û polîsan bi bombeyên deranîna hêsiran û av û lêdanê êrîşî millet kirin, cemawer jî kevir diavêtin wan, derdora 2 katjimêran cemawerê kurd û polîsan êrîşî hev dikirin, û piştî ku millet belav bû, hêzên ewlekariyê û polîsan ranewestiyan û bi nav bajar ketin û bi qamçî û ço berdewam

 Feqîriyê derba xwe li keran jî xist  

Li welatên paşketî temenê keran: 9 sal

Li Ewropa temenê keran: 35 sal

Feqîrî ne tenê emrê mirovan, lê herweha ê keran jî kin dike. Li Etiyopyayê-ku welatê herî feqîr ê dinyayê ye- emrê keran 9 sal e, lê kerên Ewrûpayê jî 35 salan dijîn

Avesta-Navenda Nûçeyan: Li Etiyopyayê qedir û qiymeta keran di ser hertiştî re ye.  Jiber ku li vî welatî her kar bi keran dibe, êdî ew bûne parçeyek ji jiyana Etiyopiyan û jiber vê jî qedrê keran pir tê girtin. Lê mixabin, feqîrî û xizaniya li Etiyopiyayê derba xwe li emrê keran jî dixe û nahêle ku ew temenekî bextewar û dirêj bijîn. Li Amerîka û Ewrûpayê temenê keran digihê 35 salan, ... berdewam 

Erdogan emir da RTUK ê: Dest bi weşanên Kurdî bikin

Avesta Navenda nûçeyan

Serokwezîrê Tirkiyê Erdogan Serok û endamên RTUKê qebûlî meqamê xwe kir û di vê hevdîtinê de ji wan re got ” divê êdî jibo saziyên ku dixwazin bi Kurdî û zaravayên herêmî weşanê bikin destûr bê dan”.

  Wek tê zanîn, berî bi du salan jibo weşana ziman û zaravayên herêmî zagona fermî derketibû lê heta niha ew neketibû jiyanê... berdewam

NAMEYEKE VEKIRÎ BO SEROKÊ HERÊMA KURDISTAN BIRÊZ MESÛD BARZANÎ

Şahînê Bekirê Soreklî

Brayê gellekî hêja Mesûd Barzanî, Serokê Herêma Kurdistanê.

Slavên germ ji cenabê we re rêdikim û hêvîdar im hûn di nav rewşeke şad de bin.

Biryara ku wêneyên we ji ser dîwaran rabin biryareke şaristaniye li gor dem û dewrana welatên pêşkeftî ye.  Girtina vê biryarê pîroz dikim û ji we re spas dikim ji bo vê yekê.  Daliqandina wêneyan bi şêweyeke ji usûlê der ne layiqe serokên hemdemî û xwedan prensîpên pesindanê ye.

Propagandaya arzan, daliqandina wêneyên serdaran li her der û şûnê û bikarhanîna mîdyayê ji bo pesindana serokan şanên desthelatdariyên dîktator û gelên li paş manî ne.  Rûmeta serok û serdaran bi kiryar û berhemên wan e, ne ku bi hejmara wêneyên wan.  Omêdwar im di salên serdarî û rêberiya cenabê we de gelê Kurd li Herêma Kurdistanê bi gavên bezatir ber bi aliyê şaristanî ji cîhanê ve biçe berdewam

Gelo raste em Kurd 40 milyon in..?

Rizgar Kêsteyî , Swêd

Em Kurd di van salên dawî de di nava civîn û hevpeyvîn û nivîsên xwe da berdewam behsa hindê dikin ku hejmara me di gehe 35-40 milyonan. Helbet ev ji aliyekî ve cihê dilxweşiyê ye ku em neteweyek hinde mezinin, lê ji aliyekî din ve em piçek ji xwe şerim dikin ku em gelekî hinde mezin di cîhanê de ta nuha bê dewletin. Lê ew bixwe armanca nivîsa me ya vê care ne ewe ka ev hejmara me ya mezin bo me başe yan ne. Belkî mebesta me ewe em hindekî li ser vê xalê rawestin û bi çavekî bêalî û realîzim temaşey vê meselê bikîn ka... berdewam

PKK hevalekî partiya Rêkeftin kuşt

Heleb-AVESTA: Li gora duxuyaniyeke partiya Rêkeftina Demokrat ya Kurdên Suriyê, roja 12.08.05 li Helebê taxa Şêx Meqsûd, Kamîran Mihemed (foto) kurê Avukat Mihemed Hemze, saat 22.00 li pêşiya deriyê mala xwe ji aliyê PKK ve hate kuştin. Di daxuyaniya Rêkeftin de tê diyarkirin ku Fîdaîyên PKK bi vê çalakiya kuştinê rabûne.

Li gora agahdariyên AVESTA bi dest xwe ve anîne, Kamîran hevalbendekî Rêkeftin bû, ew zewicî bû û bavê zarokekî bû. Hate ragihandin ku berî kuştinê ew gelek caran ji aliyê PKK ve hatiye tehdîdkirin û jê hatiye xwestin ku dev ji Rêkeftin berde.

berdewam

Berê me bi kuda ye?

Salih Kobanî.

Di van herdu mehên dawiyê de rewşa navçeya me naziktir dibe, û rûdan bi leztir diçin:

- Serhildan li rojhilat.

- Gulebarandin li xwepêşanderan li Sulêmaniyê.

- Girtina Kurdistan TV bo 24 seetan.

- Girtina rojnamevan Ako Mohammed.

Gellek caran atmosfera li Sulêmaniyê weke nemûneya peyva azad dihat e nîşandan, û cihê şahnaziyê bû ko li wir bi dehan rojname têne der, bi dehan partî klub, komele… hwd tên avakirin, lê îro polîsê kurd gulleyan dibarîne li pêşanderên kurd yên ko derketin ji bo piştgiriya rojhilatê Kurdistanê. !berdewam 

Ferhengyar Muhemedê Cemîlê Seyda Û xelata 43 salan  bi guhekî bo kurdayetiyê  

Kerem Yûsiv

Ji me tê xwestin mîna her miletekî  ku em zaniyarên xwe ji bîr nekin û cihê wan bidne wan di nav milet de , çimkî dema em cih didine wan em cih didine xwe di pêşerojê de û jibîrkina me ji wan re anuha kuştineke bisaxîtî ji wêje û dîroka me re ye , lewra em dimînin mîna siyekê ji berhemên wan re di çûn û hatina wan de û ta di mirina wa de.

Dîsa navdarek , Ferhengyarek me diçe bêdeng û ne mîna çûna sekretêr an endamê  partiyekê …kêmtir ji 50î kesî di dûv darbesta wî de bûn tevî malbata wî , belê em wihane bi belengazê sityasetê û diravan û ne wihane bi dewlemendan re û ev ne ku ez Seydayê Ferhengyar Muhemedê Cemîlê Seyda nezan dibînim di siyasetê de lê belengaz û dûr ji kursiyan ... berdewam

Sernivîserê rojnameya Mîdya Ako Mihemed li Hewlêrê hate girtin

Kerîm Sincarî ji medyayê çi dixwaze?

Hewlêr/AVESTA: Wezareta hundir ya Kurdistanê li Hewlêrê sernivîserê rojnameya hefteyî Mîdya Ako Mihemed girt.

Berî niha wezîrê hundirê yê hikûmeta Kurdistanê (Hewlêr) Kerîm Sincarî (foto, çep) ekranên Kurdistan Tv tarî kirin. Niha polîsan dişîne rojnameya Mîdya ku heftane li Hewlêrê derdikeve û sernivîserê wê Ako Mihemed digire û wî bi sûcên giran tewanbar dike. Berpirsiyarê nivîsaran yê rêjnameyê Ako Mihemed, ji hevkarê me re diyar kir ku wan di hejmara 200 encama ankêtekê belav kirin... berdewam

DESTHILATDARÎ Û SERXWEBÛN  

Hevpeyvînek bi hunermendekî kurdî

serbixwe re

Miço Kendeş

- Gotina HUNERMENDÊ SERBIXWE bi dîtina we tê çi wateyê ?

* Gava hunermendek li hundirî welat di bin sîya partîyan û li gor nerîn û helwestên wan kar û xebata xwe ya hunerî neke ; ew, pirr caran, wek

tirsok, newêrek û kesekî ji berpirsiyarîyê direve binav dibe. Jixwe ku navê sîxurî û hevalbendîya bi dijmin re jî bi dû wî nekeve.

 Gotina SERBIXWE, bi rengekî ji rengan, gotineke nû ye di dîroka mirov de ; di demên borîn de, mirovek di bin desthilatdarîyên  berdewam

Fatê Were Civatê -1-