KURTEÇÎROKA GIŞTÎ YA BABÎLON

(ÎNOMA ÎLÎ)

wergerandin:

SALIH BOZAN

salihbozan@hotmail.com

nivîsa berê

- XEWNEKE JI ŞÎROVEKIRINÊ RE

 Li despêkê ezman hîn natibû afirandin û ne zemîn, xeyne gêrevêrê (chaos)1 tiştek tinebû. Ev gêrevêra bi babeta ava pêşînebû, yaku Yezdan û hemû tiştên din jê peydabûn.

Va ava ji du hakarên tevlihevbûn, yek jê nêrbû; ew ÎBSO bû, hakarê ava şîrînbû, yê din mêbû, ew jî TIYAMA bû, hakarê ava şorbû.

Paşê, du Yezdan ji wan hatin; LEXMO û LIXAMO. Piştî demeke borî, ji wan jî du Yezdanên din peydabûn; EN|AR û KÎ|AR2,  van Yezdan jî ANO peydakirin; Yezdanê bi hêza xwe rik  kire bavpîrên xwe  Yezdanên kevnar.

Piştra Yezdanên dine nûjen hatin. Pê demekê nakokî navbera van herdu nifşên Yezdanan de derket, ji bilî ku Yezdanên nûjen bûne yek dijî Yezdanên kevnar, û cih li bavê xwe Yezdanê kevnar ÎBSO teng kirin, û xwestin berdêla gêrevêrê û korahiyê sazmendî li cihanê avabikin, karûbarê gerdûn di bin fermanweriya xwe kin.

Vê kirdarê Yezdanên kevnar xeyîdandin, loma rabûn di bin seroketiya Yezdan ÎBSO û jina wî Yezdan TIYAMA de jibo vê pîlanê pûçbikin, û hêrsa van Yezdanên nûjene li ber wan derketine rawestînin, û bi êrîşeke cengînî herin ser wan. ÎBSO xwest zarokên xwe yên yezdane tineyî bike, û guh nede nexwestina jina wî û vê yekê.

Berîku dest bi vê pilana xwe bike, Yezdan AYA bi wî hişyar bû, û rabû wî asteng bike, û paşda vegerîne. Bi cadû û şerdeweriya xwe ya pîroz hêza bavê xwe ÎBSO pûçkir, û dawiyê lêbada, û ew ji holê rakir. Zarokekî xwe bû ew jî "MERDOX" bû efirîdeyekî tikûz bû, weke çavên wî li ber wî giranbû.

TIYAMA jina ÎBSO, pê kuştina mêrê xwe gellek ji Yezdanên nûjen bi kînbû. Qasi karibû ji tolhildanê re hêz amadekir, û ji bo vê mebestê cûrecûr dêw û şeytan afirandin, û afirandîdeyên dine bi samdar, wek diwîşk, mar, ejdeh, şêr, û hwd.

Ferman da kurê xwe KENKO; yek ji Yezdanên krvnar, ji bo seroketiya vê tolhildanê, û bi efsanên pîroz çekdar kir, rûpelên qederê dane wî, û ji xwe re kir mêr.

Ji ber ku AYA careke din bi vî tiştî gişkî dazanîn , gellek xemgînbû ku wê va rewşa çi guhartinê di çarenûsa Yezdanan de bike. Xwe avête Yezdanê kevnar EN|A û piştgirî jê xwest. EN|AR  navtêda ji bo li ber koma TIYAMŞ derkeve, û ne tirse, ma ne ew yêku bi cadûya xwe ya pîroz mêrê wê ÎBSO kuşt, lê ev  navtêdana bê sûdbû, ji Yezdan ANO xwest ku herê hinda TIYAMA ji bo harbûna wê nermbike û wê aştbike. Belam ANO bi serneket û bi tirseke mezin vegeriya cem bavê xwe E|NAR. Yezdanan di civîna xwe ya pîroz de li ser vê rewşê  danûstandin, ji xwe pirsîn ka wê çibikin. Gişkî tirsiyan, û kesekî newêribû herê cenga TIYAMA ya zordest.

Gava bêhêvitiya wan gişte vê pîvanê, hate bîra Yezdan AYA ku kurê wî "MERDOX" xudan hêz û şerdeweriyê ye, tembe lêkir ku ji ber Yezdanan dakevê vê cengê. Wî va xwesteka qebûlkir, eger Yezdan bi seroketiya wî  venasîm bibin. Yezdan gişkî bi dawetekê civiyan, di vê dawetê de xwarin, vexwarin, stran pêkhanîn, û cûdatî ji navbera wan çû. MERDOX hilbijartin mîrza û şahê xwe, navê wî bilind û payedarkirin, textekî bilind jê re avakirin, navê malbatên xwe li MERDOX kirin, û çarenûsa cîhanê dane dest.

Hînga MERDOX rabû ku xwe amadeyî cengê bike, bi tîr û kevana pîroz xwe çekdarkir torexefka xwe ya pîroz rakir, li erebana xwe siwarbû û berê xwe da TIYAMA û koma wê ji bo bi wan re di cengê keve. Di despêka cengê de MIRDOX her çar ba pêş xwe de şandin ji bo riya rivê li wê bigre. Gava nêzikî hevalên wê bû TIYAMA  tirsiya û bizda, û rabû cadûyên xwe bixwine ji bo "MERDOX" bikuje, lê wî torexefka xwe ya pîroz rêxist û  TIYAMA dîl girt,  bahoz di hundirî  wê de berda ta zik repitî, wê çaxê tîra xwe bi avêtina mirinê avêtê, zikê wê qulkir û dawiya wê hanî.

Hevalên wê kirin ku birevin, lê MERDOX nehişt kessek ji wan ji ber  destî wî bifilite. Di torexefka xwe de ew komkirin, teve  serokê wan "KENKO", û rûpelên qederê jê standin, bi mora xwe ew rûpelana morkirin û di sîngê xwe de parastin.

Paşê vegeriya hinda TIYAMA, serê wê pelixand,  şopên xwînê ji gewdê wê qutkirin, xwîn û ba bihevre jê derket, Yezdanan va tişta dîtin û pê şabûn,  silav li navê "MERDOX" kirin.

Termê wê bi du parçankir, ji parçê jor ezman çêkir, û ji yê jêr zemîn, li ezmên tax û birc bêlikirin, warê Yezdanan, bircê stêran, çaxa demê, û demsalan bêlikir.

Piştra MERDOX ramiya ku gerege afirandîdeyekî biafirîne, ji xwîn û hestî û goşt, ji bo ji Yezdanan re perestiyê bike.

AYA pêre got: bira yek ji Yezdanan xuyabike ji bo afirandina ademîzadan, Bira Yezdan gişkî bicivin û yazdanê gunehkar(3) pêşkêşbikin. Pêku MERDOX Yezdan komkirin, ji wan pirsî, kê TIYAMA hêvote şoresê bira diyarbibe, kîjan Yezdana bûbû sedema vê şoreşê?  Yezdanan bersiv dan ku KENKO sedembû.

Yezdanan ew bi kilapçan girêdan û pêşkêşî Yezdan AYA kirin. AYA xwîna wî rijand, Yezdanan ji xwîna wî û ji axê mirov afirandin ji bo ji wan re perestiyê bike.

pêku afirandina mirovan temambû, Yezdanan perestgeha EYSKALA li Babîlon ji MERDOX re damezirandin, û têde bi şahiyeke pîroz civiyan,  lave li ser payedariya wî xwendin, navên TIYAMA yên girîngepîroz lê kirin, û her weha wî di kesatiya xwe de hemû sîfetên wê komkirin.

*********************

1."CHAOS" peyveke Yonaniye: madeya pêşine yaku hemû hebûn jê çêbû, hinek bi wateya "korahê" werdigerînin.

2.EN|AR: Yezdanê ezmêne, û KA|AR Yezdanê zemîne.

3.Yezdanê gunehkar: Yezdanê piştgirî ji TIYAMA re kir.

4.wergerandin ji kovara "SOMER" yaku li Şrakê çapbiye

   hijmara: çileyapaşin(January) 1949.