Efrîn xweşe pir şêrîne                deşt û çiyan tim rengîne

Dar û gulan tevxemlîne              ferîbende geşe jîne

Buhara wê keske şîne                havîn bi zebeş qawîne

payîz daran disazîne                  vistan zêtê dibarîne

Surişt û cûme ciwane                bi av sûlaveşîndane

Nefel giyaye xermane                bi nîsk pincar û colbane

Bi mêrg çawîre çîmane               keskayî ûêmişxane

Hejîr û tirî têdane                     geştî û kêf û seyrane

Çem û rûbar diherikê                 Ji zozanan tê Gemrûkê

Li ber bendê Li Meydankê           Gol û deryê Tijî dikê

Avazelalli Germikê                     Dar û gulan tim jîn dikê

Dil cîgeran ew geş dikê              Gelê Efrîn pê kêf dikê

Baxgulistanû bîstana                 bînê hilda ji nav wana

Bihna çîçek û reyhana               ji Efrîn gîşte ezmana

Li çol û deştû bêlana                 li şar û gund û zozana

çûk û bilbil û teyrana                 wîçwîç dikin li ser wana

Efrîn biçiyan delale                    bûkek navdeng û xezale

Bixeml û xêz û şemale                bi sur û şenge şepale

Jîre zengîne nanmale                  ronî û rewşen zelale

Nav bi dar ber û newale              bin bi zêr zîv û xilxale

çayên Efrîn biçûk rindin               hinek ji wan pir bilindin

Di nav wan de çal û bendin          ser û dorê Mal û gundin

Li Efrîn sêsed şêst gundin            Horî Seman warê Kurdin

Duderî nîşanê Merdin                   ji dîroka mêd û madin

Li Meydana heft gundine             çayênRejo giş hesine

Li Bilbilê ççîmhêgine                    Lêlûn û Hawar mezine

Kurdaxcan û dilê mine                 xelkê tê de gelê mine

Ger hinek tê de (tatine)              sam û ereb ne kurdine

Peyva Kurdax ji Kurdox hat           Efrînbuhuşta rojhilat

Dilê Kurd bi derd û şewat             li Kurdistana bê kelat

çêdikin civînû civat                     hêviya wan jîn û welat

Herdem dikin bo jîn xebat             bo serxwebûnê û felat

Betman xemkêşe xemgîne            reş rondikan dibarîne

Kitix nêrgiza Efrîne                      Ziravkê Bûke wek zîne

Basût sîsin û nisrîne                     Serîkaniyê dilevîne

Endarê bo min evîne                    lat û zinargawahîne

şiyê Gulzarek rengîne                   Cindirês li Cûma şîne

şerra nazik ûnarîne                      Xwastiya tev de şêrîne

Gundên me di çê de hêwrîne          çayê Kurmênc î gergîne

Li rojhilata navîne                        kêf û xweşiyê dijîne

Efrîn deverek fereye                    tu çi divê tê de heye

Bi daristan û almeye                    cok û cobar û kaniye

Bi dar bere bi meyweye                fêkî genimû ciheye

çandin û pal karê me ye               cotkarî yarê Xwedêye

Efrînnavdeng û hêjaye                 li rojhilat zor buhaye

Li Kurdistan deng daye                ciyê Pilingû şêraye

Bûka Kurdan û Merdaye               ji Madan re xwedê daye

Ev rewşa Efrîna şaye                   min hinek jê xeber daye

VEGERE