|
Hejmar 11 Hezîran 2001 |
 |
|
|
Hejmar 11 Hezîran 2001 |
|
|
|
ZAROKTî
zaroktî... jiyan
û rojên herî xweş… zaroktî… dilsoziya
ku di tu temenan de nayê dîtin… zaroktî… hezkirina
ku tu caran ji bîr nabe… bêriya
te dikim zaroktiya min!
Tînim
bîra xwe zaroktiya li kolanên bajarê di bin têlên tixûb de…
Toz
û ecaca ku em kor dikirin tu caran ji bîra min naçin. Lê dema ku me
xwe li patosan dikir! di dema çinîna zeviyan de, weke ku em li balafiran
siwar bibin, ji kêfxweşbûna em difiriyan. Tê
bîra min dema ku bavê min diçû Helebê, ez heta Golê li pey Otubusê
dibeziyam û digiryam, heya ku bas bi dûr diket û wenda dibûmin xwe di
erdê dida, min dixwest ez pêre biçim bajêr. Lê ez bi xwe re nedibirim,
ez têra dilê xwe digiriyam û poşman poşman li mal vedigeriyam,
min bi girî xwe davête hembêza diya xwe, ku tiliyên di nava porê min
re dibir, eniya min radimûsand û digot: “Negirî, wê careke din te bi
xwe re bibe…” Wê
rojê ez li Hollanda bûm, min ji cem dostê xwe Xalidê Heno kasêta Reşîd
Sofî anî. Ew jî xweziya xwe bi zaroktiya xwe tîne, distirê: “Xwezî
hêvî pêk batana, Ew
rojên xweş vegeryana Em
zarok bûn, evîndar bûn Tiştên
berê bûn xewn û çûn” Dema
ku gotin tê ser zaroktiyê hêstir dikevin çavên min. Ez bi ser sî
salî ketime, lê dîsa jî mîna zarokekî bêriya dê, bav, xwişk
û birayên xwe dikim, mîna zarokekî ji wan hez dikim, mîna zarokekî
li paşeroja xwe vedigerim û serpêhatiyên heya îro roj bi roj
tînim bîra xwe. Ez
çi bibêjim, çi bikim! Zaroktî min ber bi xwe ve dikişîne, ma di
dest min de ye, ez nikarim mezin bibim… Mezinbûn li min nayê, ma
hezkirina min jî ne weke ya zarokekî bû! Welat,
dayîk, hevalên zaroktiyê, bîranîn, bav, xwişk, bira... ditirsim
careke din wan nebînim. Tenê tirsa min ev e. Ev xerîbî ji min re dibe
mîna gorekê, dibe kabûseke xewnerojên min.
Biborînin, nikarim ramanên xwe bicivînim ser hev, weke sazbendekî ku têlên tembûra wî qetiya be, ez li xwe heyirî me, ezê çawa bikaribim we bi vê hezkirinê bihesînim!
Heya careke din... Bimînin
di xweşiyê de
e.mail: dilbixwindara@hotmail.com Têbiniyek, eger ku ne zehmet bû ji kerema xwe re suretekî xwe jî bi nivîsa xwe re bişînin. Spas |
|
|||||||||||||||||||||||||||||||||
|
© www.avestakurd.com * 2001 |
