Medya KURDî

Partiyên kurdan

Saziyên

çandî

Malperên

Kesan

Nûçeyên

Rojane

Medya

Tirkî

Medya Farisî

Medya

Erebî

destkuje

gerrîneka reşbîniyê

ji nîşev ta nîşev

xûnrija dûriyê

di kovanêd te da

dilop dilop

diniqute...

bi çi rengî

jînê dibînê

ji te dûrim

xerîbo

çav te nabînin...

tirkinî

bi dilê te

dikeve...

rû li rû

tu û Stokholm

demjimêra oda te ye

di brînêd tey

nêmgirtî da

digere

jê dizîvire

û lê vedigere...

zengilêd Kenîseya

di mejiyê te da

lêdikevin

wêran

û kizotêd canê xa

hildigrê 

li hevala digerê

bi xemin

perestgehêd te

welato

bêxudîne...

nimêja min jî

ne wek ya hemû

ola ye

wê çi biba

xudêyo

ku dem paşda

vegeriya

wê çi bibe

ku ez ne ez bim

tu jî ne tu bê

Stokholm

tu çi dikê bi serê

biyaniyêd xa

sare libendêmayina

di kolanêd te da

xûnrija bîranînêd

welatekî reviyayî

siwarekî

desthefsarê hespê

ji dest xa berdayî

û koçberin bênavnîşan

ji nîşev

ta nîşev

destpêdike...

min bîriya te kiriye

û di vî welatî

xemgîn

û tarî da

ketime tayeka

saregermî...

bi ku va dere

roya te ya

demdemî

Stokholm

xewn û pêkenînkêd

zaroktiyê

bidarvedibin...

tirkinî

bi dilê te dikeve

rû li rû

tu û Stokholm...

di serê te da

çi heye

û çi tineye

xerîbo

berve hêvarêd

qedera te ya

bêbext derin

ev rojêd miçiqî

gelo

di kîjan

quncikêd tariyê da

ezê te ji xa bikim

Stokholm

bêpar mame

ji arama

nefel û giyayê

rûyê te

welato

ji şevbêrkêd

havîna

ji çîrokêd

çîrokbêjê gund]]

bêpar mame

ji te

ji yara çav li rê

di kîjan destlibakirinê da

tê min hemêzbikê

welato

ez jî

axa te

silav li we

Efrîn

Amûde

Dihok

Amed

û Wan...

ji Stokholm

ta Stokholm

destê xa didim

wêneyêd te

welato

bi çi rengî

jînê dibînê

xerîbo

destê xa didê

wênedêmêd xa

dişewitê

şevgêra şeva

li te westiyaye

ji te ra nabêje

ev qeder bû

de binoşe

Stokholm

ji êşa min

derdkêşê te me...

noş

noş

noş

noşa biyaniyekî

dîîîn

û yekî din

noşa peyalek av

û yeka din vala]]

noşa te

Stokholm]]

semaya çopî

bi min ra

direqisê...

ji nîşev

ta nîşev

bila destpêbikin

stiranêd te]]

bi çi rengî

jînê dibînê

xerîbo

ji te dûrim

çav te nabînin

bê aramin

şevêd te

ji sawîr

û şevpestan ra

bêbendin

xewnêd te]]

bêpar mayê

((ji yara çav li rê))

ji arama sosin

û pêçekêd

vê biharê

gelek biharê din

çûn û hatin

û tên...

tu venegeriyayê

gerrîneka pirsa ye

Stokholm

destkuje

bêarama stiranêd te

û ji Kurdistan

ta Stokholm

min jî

bîriya te kiriye

xerîbo