Medya

KURDî

Partiyên kurdan

Saziyên

çandî

Malperên

Kesan

Nûçeyên

Rojane

Medya

Tirkî

Medya

Farisî

Medya

Erebî

Baraj

Bênav

Min got were

Kezîzera min

Emê di ava çemê Munzurê de melevaniyê bikin.

            Bila refên qulingan di ser me re bifirin

                        bi me şabibin, li me binirin

Te got na!

Ezê bi xeml û xêzên xwe ve

xwe bavêjim nav çemê Qîran,

ew xêr û bêra welatê me ye.

Min got were

Nazenîna min

Emê kenarên çemê Qîran bikolin.

            Ew tijî petrol e.

                        Bila xêr û bêra welatê me

li gelê têkoşer noşîcan be.

Te got na!

Ezê van bombeyan ji ber nava xwe bikişînim

            kaniyên çemê Munzurê biteqînim,

                        Ew tijî zêr û mirarî ne

                                   Ezê gerdenê xwe jê çêbikim

                                   Û zendên xwe bixemlînim.

Min got were

Porzerîna min

Ezê te li bajarên Ewropayê seranser bigerînim

            Bila kurmanciya gewr derkeve der

Bila ew jî bedewiya Kurdistanê nas bikin

                        bi çavên serê xwe bibînin.

Tu hatî

Lê tu bi cilên gerîllayan hatî

            Û hên li balafirgehê tu wek terorîst hesibandin

                        Tu birin, wan gawiran tu birin

                                   Û destên me negihîştin hev

Min ew çavên belek nedîtin

ne jî ew lêv û dev.

Min got were

Xezala min

Emê li kuntara zozanên Şerefdînê;

            bi gundiyên wê herêmê re

                        şahiyan li dar xin

                                   û govendên Mûşiyan bigerînin.

Tu hatî

Lê tu bi cilên artîstên Tirkan hatî

            û te bi hêrs gazî kir û got:

                        Kanî dike? kanî sehne?

                                   Emê li kû semayê bikin

                                               û awayên dîsko şanî gel bidin.

Min got were

Şepala min

Emê li herêm û navçeyên Kurdistanê seranser

bigerin û bigazin

            ji gelê xwe bixwazin,

                        ew deng bide me,

                        da em bejna xwe ya zirav

li şahî û govendan bihejînin.

Tu hatî

Lê te bi tirkî sirûdên înternasiyonalê gotin.

            Bi rastî awazên te gelek xweş bûn,

                        lê gelê reben tiştek jê fêhm nekir

                        û gava em çûn metropolên Tirkan

                        te bi kurdî gazî kir û got:

                                   Bijî Kurdistan, bijî gerîlla!

Wisa te nehişt

            em di ava çemê Munzurê de

                        melevaniyê bikin

wisa tu di bin barajê de mayî;

te em tev di bin barajê de hiştin.

 VEGERE