Karayilan: Em ji serdana Barzanî ji bo Emerîka memnûn in

AVESTA: Serokê Konseya Koma Komelên Kurdistanê (KKK) Murat Karayilan, serdana Serokê Herêma Kurdistanê ji bo Washington bi awayekî erênî û bi memnûniyet nirxand. Karayilan diyar kir ku ev "sedan bi navê Kurdan pêk hatiye, ev jî cihê memnûniyetê ye..." Murat Karayilan, got "pirsa Kurdî pirseke giştî ye, pirsa hemû gelê Kurd e." Karayilan, daxuyaniyek da ajansa Firat ku nêzîkî PKK ye, û got, „çareseriya pirsê li perçeyekî Kurdistanê pir dewam nake…“ Karayilan ji bo Barzanî û Talabanî daxwaz kir ku di çareserkirina pirsa kurdî de bi awayekî giştî rolekê bilîzin.

- Serokê Herêma Kurdistanê gihişte London

- Vê carê jî Tirk ji Şal û Şapikê Barzanî aciz in

AVESTA- Li paytexta Brîtanya Londonê wê serok Barzanî ligel serokwezîrê Brîtanya li ser rewşa Kurdistanê û Îraqê hvdîtinekê pêk bîne.

Di şandeya Barzanî de, Serokwezîrê Kurdistanê Nêçîrvan Barzanî û wezîrê Plankirinê yê Iraqê cih digirin.

Li aliyê din Cîgirê serokê CHP Onur Öymen (Sûretê biçûk, li hember pêşwazîkirina serokê Herêma Kurdistanê Mesûd Barzanî weke Serokekî ji aliyê G. W. Bush ve li Qesra Spî li Washingtonê, bi pêşniyarnameyekê nerazîbûna xwe ji meclîsê re pêşkêş kir.

Öymen pir aciz e, jiber ku Barzanî bi kincên kurdî yên netewî çûye Qesra Spî.

CHP ku xwe partiyeke Sosyal Demokrat dibîne, li gora şîrovegerên siyasî di van demên dawiyê de ew bêhtir nêzîkî rastgiran bûye û êdî bêhna nasyonalîzm û nijadperestiyê jê tê. berdewam

Serokê herêma Kurdistanê

Barzanî li Emerîka Xelata Aştîyê girt

Neviyekî Qazî Mihemed di qezayeke trafîkê li Mehabadê mir

Îro roja Înê (28.10.05) Fetah Seyf Qazî kurê Heme Hisên Xanî Seyf Qazî, neviyê Pêşewa Qazî Mihemed li bajarê Mehabadê di qezayeke trafîkê de jiyana xwe ji dest da. Em ji malbata Qaziyan re sersaxiyê dixwazin.

Rojîn ligel Ciwan Haco di fîlma Hiner Salim de dilîze

AVESTA: Stranbêja Kurd Rojîn Ulker ku bi navê Rojîn tê naskirin û bi bedewiya xwe û dengê xwe yê xweş balak gelek guhdarên xwe kişandiye û di demeke kin de deng daye, xwest fîlmekê bi zimanê kurdî çêbike, lê belê nikaribû destûrê bistîne. Rojînê helwestek stand û dev ji şanoya dewletê berda.

Li aliyê din di hevpeyvîneke bi Bianet re ku Ayşe Durukan bi Rojînê re çêkiriye, ewê bi Ciwan Haco re di fîlma Hiner Salim ya nuh de cih bigire. Weke tê zanîn Rojîn, ji sala 1988 û vir ve di nava şanoyên dewletê de cih digire. Şanoyên dewletê li dije ku endameke wê di fîlmeke kurdî de cih bigire, û ji ber vê yekê Rojîn ji wir istîfa kiriye.

138 şîrketên Tirk bertîl dane Seddam

AVESTA: Di raporeke 600 rûpel de, ku di derbarê rêjîma Seddam Hisên de hatiye pêşkêşkirin, û têde diyar dibe ku di dema ambargoya li dijî Îraqê de (1996-2003) bi sedan şîrketan bertîl ji Seddam standine, navê 138 şîrketên Tirk derbas dibe.

Di dema programa bi navê „Xwarin li hember petrolê“ de ku di navbera (1996-2003) ji aliyê NY (Neteweyên Yekbûyî) ji bo Iraqê hate amadekirin, bi riyeke ne rewa wan şîrketan ruşet ji Seddam standine.

berdewam

Îbo ji bo konsertên li başûrê Kurdistanê 

2 mîlyon dolar distîne

Pişî Îbo dora Sîbel Can e

AVESTA-(başûrê Kurdistanê): Ji bo konsertên li başûrê Kurdistanê Îbo 2 mîlyon Dolar distîne

 Li gora hinek çavkaniyên taybetî stranbêjê Kurd Îbrahîm Tatlises ku wê di roja 2. ya cejna Remezanê de li başûrê.. 

berdewam

Hevdîtina Serok Barzanî û Serok Bush li Washington

Barzanî bi kincên kurdî derbasî

Qesra Spî bû û di civîna çapemeniyê

de bi kurdî axifî

AVESTA: Roja 25.10.2005 li paytexta Emerîka Washington, serokê herêma Kurdistanê Mesud Barzanî û serokê Emerîka G. Bush li hev civiyan (foto: CNN). Di vê hevdîtinê de li ser rewşa Iraqê, referendum û hilbijaritnê hate rawestandin.

Bush bixêrhatina Barzanî kir û bi gotina “serok” xîtabî wî kir. berdewam

Ji bo demokratîzekirina Tirkiyayê û Yekîtiya Ewropayê Nimûne:

Tirkiya ne xwe, reqeman  digûherîne; 

Ji bo qanuna cezayê; reqemên weki 159,312 û 3713/8an avêt,

Lê belê di dewsa wan de  216,301 û 302 bi kar tîn e..

Amadekar: Av. Erhan ASLANER, Av.  Ümit TİMUÇİN

Wergêr: Ehmed ONAL

Berpirsyarê giştî, xwedî û xebatkarê Weşanên  Med, Zêl, Nûjen û Pêrî;

Navê ku di alema weşangeriyê de tevî  komkirin, qedexekirin, doz û dadkirin, parazvanê azadiya ramanê, ji aliyê kurdewarî û helwesta    xwe ya mafên mirovan bê tawiz e, bes ji rasteqîna tarixe re  giredayiye û hîn jî ceza  li ser cezayê digre û tê nasîn: Ehmed ONAL( foto) berdewam

3 parêzgehan gotin: Na! dîsa jî destûra Iraqê bi

dengdaneke giştî hate pejirandin: %78,59 belê

Avesta: Konseya Bilind ya Hilbijartinê ragihand ku destûra Iraqê, tevî redkirina 3 parêzgehan jî, piraniya gelê Iraqê ew pejirandin û dengê xwe bi “Erê!” dan 

Endamê Konsey Ferîd Eyar di civîneke çapemeniyê de got: “9 mîlyo û 852 hezar û 291 kes beşdarî dengdanê bûn. Parêzgehên ku dengê xwe bi “na” dan ev in: Musul, Tekrît û Anbar… Eyar berdewam kir û got ku %78,59 gotine “belê” ji bo destûrê û %21,41 dengê xwe bi “na” dane. Destûrê herî zêde deng bi “belê” li Kurdistanê û herêmên Şîîyan bir.

Serokê Kurdistanê Barzanî li Emerîka ye

AVESTA- PNA: Îro serokê herêma Kurdistanê Mesûd Barzanî li ser vexwandineke fermî ji aliyê hikûmeta Emerîka ve gihîşte Emerîka. Li balefirgeha Ormi Airport li Washingtonê ji alîyê berpirsên Koşka Sipî û wezîra derve ya Emerîka û karmendên palyozxaneya Îraqê li Washingtonê û nûnerê hikûmeta Kurdistanê li Emerîka û berpirs û karirên şaxa Emerîka ya Partîya Demokrata Kurdistanê û kesayetîyên sîyasî û niştimanî û ekadîmî û cemawerên berdewam

Êrîşeke terorîst li dijî Mele Bextiyar li Silêmaniyê

Silemani-Avesta-PukMedia:  Îro (25.10.05) li başûrê Kurdistanê li Serçinar nêzîkî Hotêla Ibin Sîna li Silêmaniyê terrorîstan otomobîleke bombakirî bi otomobîla endamê polîtbîroya YNK Mele Bextiyar (foto biçûk) ve teqandin. 

Tu ziyanek negihişte Mele Bextiyar, lê belê 4 zêrevanên wî birîndar bûn.

Li aliyê din piştî saatekê (10.45 li gora dema Hewlêrê)  ji êrîşa li dijî Mele Bextiyar, li pêşiya wezareta pêşmergeyan li Silêmaniyê, otomobîleke bombakirî teqeiya û di encampê de gelek hemwelatî birîndar bûn.

Navê zarokê xwe kire Google

Stockholm-AVESTA: Li Swêdê bavekî libnanî nave zarokê xwe yê nûhatî kire Google.

Bavê bi navê Walid Elias Kai, roja 12 Îlonê zarokek jêre çêbû. Navê zarokê xwe kire Google. Navê zarok yê fermî Google Kai ye. Walid Elias Kai bi xwe ji sala 1998 de li Swêdê weke pisporekî computerê dixebite. Heval û dostên Walid Elias Kai, weke “Abû Google”  yanî bavê Google gazî wî dikin. Ji xanima wî re jî dibêjin: Umm Google, yanî diya Google. Li Almanya endezyarekî computerê li Almanya naverê zarokê xwe kire Oliver Google. Berpirsiyarên Google nameyek ji bavê Google şandin û zarokê wî yê nû pîro kirin û temenekî dirêj jêre xwesitn.

Îbrahim Tatlises piştî cejna Remezanê li Kurdistanê ye

AVESTA: Stranbêjê Kurd Ibrahim Tatlises ragihand ku ewê piştî cejna Remezanê biçe li başûrê Kurdisranê konseran bide.

Tatlises got: Piştî cejnê ezê biçim herêma aram. Li wê derê bi hezaran heyranên min hene.

Wê Tatlises ji Hewlêrê dest bi pêşkêşkirina 4 konseran bike.

Weke tê zanîn şîrketa Rojîn van  kosnseran organîze dike.

Celal Talabanî: “Tenê 8.000 Dolar miaş distînim”

AVESTA: Di hevpeyvîneke xwe de ligel rojnameya Kiwêtî Al Siyase, serokê Iraqa Federal Celal Talabanî got ku, "miaşê wî her meh 8.000 dolarên emerîkî ne."

Li ser pirseke rojnameya Al Siyase: Tê gotin ku hûn pereyekî pir weke miaş distînin, her meh 50.000 dolar.

Talabanî dibêje: Weke serokê komarê ez 8.000 dolar distînim. Lê belê di bin destê min de bi mîlyonan dolar hene, ez wan li gora pêwîstiyê xerc dikim...”

Mam Celal diyar dike, ku ew ne mihtacî miaşê serokomarîyê ye, YNK pêwîstiyên wî pêk tîne. Celal Talabanî dibêje ku wî heya niha, dolarek jî ji bo kesên ji xwe nêzîk mesref nekiriye, lê belê ji bo hemû gelê Iraqê wî mesref kiriye.

Li aliyê din, Talabanî ew kes û dewlet rexne kirin ku, di derbarê têkiliyên bi Îsraîlê re, ji Kurdan dixwazin ji Ereban Erebtir bin. (Al Siyase, 20 Cotmeh)

“Fermana kuştina Hikmet Fidan PKK da me”

Diyarbekir-AVESTA: kesên ku bi sûcê kuştina serokê DEHAP yê Diyarbekirê yê berê Hikmet Fidan, hatine girtin, dibêjin, emrê kuştina Hikmet Fidan PKK daye wan.

Hikmet Fidan piştî girtina HADEP tevlî DEHAP bû û li Diyarbekirê berpirsiyariyeke bilind di partiyê de girt, piştî ku di navbera wî û PKK de dubendî derket, çû başûrê Kurdistanê û ligel PWD pêwendî danî.

Piştî vegera wî ji bo bakurê Kurdistanê, ew di 6 Tîrmehê de li Diyarbekirê li kolaneke taxa Baglar bi sîlehê hate kuştin.

Li dû kuştina Fidan, PWD daxuyaniyek belav kir û got ku PKK ew înfaz kiriye. Piştre jî yek ji berpirsiyarên PKK Murat Karayilan daxuyaniyek da televîzyona Roj û got ” me ew nekuştiye, lê belê gelê me li hember kesên xayîn bêdeng namîne”.berdewam

Semînerek li ser Enfala reş li Hollanda bajarê Arnheimê

ARNHEM-AVESTA: 24/10 2005 — Piştî înana 513 termên şehîdên Barzanî bo axa Kurdistanê Kurdan li Kurdistanê û hemî cîhanê çalakî kirin û careka dî Enfala reş protêsto kirin, roja yekşemê li bajêrê Arnhem lijna navça Hollenda ya Partîya Demokrat ya Kurdistanê û Komela Brayetî li bajêrê li Arnhem rabon bi sazkirina sêmînarekê li ser kampanya Enfala reş bi giştî û 8.000...berdewam

JI LOZANÊ HETA ÎRO REWŞA ZIMANÊ KURDÎ LI TIRKIYÊ

GOTARA JI BO FESTÎWALA YEKÎTIYA NIVÎSKARÊN KURD-DUHOK (22-23 ÎLON 2005)

HASAN KAYA-STENBOL

Destpêk

Di dema Osmaniyan de rewşa ziman- Medreseyên kurdî:

Beriya ku ez werim ser mijara bingehîn û dabaşa siyaseta Komara Tirkî ya zimanê kurdî rave bikim, pêwist e hinekî bi nav kûrahiya Dirokê de biçim û behsa împeretoriya Osmanî bikim, ka wê demê dewleta Osmanî bi çi rengî li zimanê kurdî dinêrî.

Di dema Osmaniyan de, li medreseyên mîrekên kurdan perwerde bi ...berdewam

Halbestên Nûjen

Ciwanê ABDAL

BÎRANÎNÊ JIBÎRBÛYΠ

Hey hê..

Bûyer û rêbûrîyên

Nû û kevn

Tevde çûn û firîyan

Û

Li ser ristên bîranîna danîn

Mîna çûk û çivîkan lusiyan,

Çendîn dêw û lawirên

Rojane û hercarî û wekberê...   berdewam

Baskên Şikestî

Cibran Xelîl Cibran

Ji bo kurdî: Salih Demîger

Dilzariya lal

Gelî mirovan, hûn berbanga xortaniya xwe tînin bîra xwe û wêneyên wê bi şahî vedigerînin, û mixabiniya derbasbûna wan tînin ziman. lê yê min ez wek yekî azad î serbest ku dîwarên zîndana xwe û giraniya bendên xwe tîne bîra xwe, tînim bîra xwe.

Hûn wan salên di navbera zarokî û xortaniyê de wek rojgareke zêrîn bi nav dikin, ku qerfên xwe bi astengî û kederên demê dike, di ser serê stûbarî û xemên wê re difire wek mêşa hingiv ku di ser koncalan re dibuhure û diçe nav baxên bi gul. lê yê min, ez nikarim wê qonaxê bi nav bikim ji bilî qonaxa janên lal û nehênî, di dilê min de dijiyan û di keleka wî de wek bahozan gur dibûn û pir dibûn bi bixwehatina wî re, û rê nedidîn ku jê derkevin cîhana zanînê, ta ku evîn ketê û deriyên wî vekirin û qorzîkên wî ronî kirin.berdewam

Li rojnamevan Faruq Hecî Mistefa derketina ji welat hate qedexekirin

Avesta- Rojnamevanê Kurd û peyamnêrê rojnameya El Musteqbel ya libnanî Faruq Hecî Mistefa ku di navbera Libnan û Suriyê de xebata xwe ya rojnamegerî dike û di medyaya erebî de bi dorferehî li ser pirsa kurdî dinivisîne, lê hate qedexekirin ku ji Suriyê derkeve.

Peyamnêrê me, Faruq Hecî Mistefa di bin çavdêriya istîxbaratên Sûrî de ye û her ku diçe rewşa wî ya ewlekarî xerabtir dibe.

Li gora hinek kesên ku Faruq Hecî Mistefa li ser sînorê Suriyê û Libnanê dîtine, ew ji aliyê istîxbarat û hêzên ewlekariyê ve paşve hatiye vegerandin û nehîştine ku derbasî Libnanê bibe.berdewam

Sekreterê giştî yê Konseya Erebî Amro Mûsa serokê

herêm Kurdistanê Barzanî ziyaret kir

Avesta (foto-PUKMedia): Sekreterê giştî yê Konseya Erebî Amro Mûsa li Hewlêrê serokê herêma Kurdistanê Mesûd Barzanî ziyaret kir.

Musa ji roja pênşemê li Iraqê ye û gelek hevdîtin bi gelek şexsiyet û berpirsiyarên Iraqî re pêk anîn.

Amro Musa ligel wezîrê derve yê Iraqê Hoşyar Zêbarî îro roja şemiyê gihişte paytext Hewlêrê. Li balafirgeha Navnetewî ya Hewlêrê... berdewam

Dezgeha Aras Festîvala şaîra Kurd Mestûre li Hewlêrê lidar dixe

Hewlêr-AVESTA-Medya: Dezgeha Aras li Hewlêrê festival 200 saliya jidayîkbûna şaîr û dîrokzana Kurd Meşref Xanima Erdelanî  ku bi nave Mestûre (foto, Medya) tê naskirin lidardixe. 

Di vê festîvala ku wê 3 rojan berdewam bike de, wê gelek çalakiyên hunerî û wêjeyî çêbibin, weke pêşkêşkirina çend semîneran li ser jiyan û xebata Mestûre.

Li gora daxuyaniyeke birêvebirê Dezgeha Aras Bedran Ehmed Hebîb, wê festival roja 17 Kanûnê lidarkeve.

Hebîb bang li wan kesan dike ku bikaribin di derbarê Mestûre de berheman pêşkêş bikin, heya roja 12.11.2005 berhemên xwe bişînin ser vê navnîşanê:

araspb2003@yahoo.com yan jî bi bê telephone re bikevin têkiliyê: 2242847 

Yaşar Kaya li Hewlêrê navenda YNK ziyaret kir

Hewlêr-PukMedia/AVESTA: Serokê partiya DEP yê berê, siyasetvan û nivîskar Yaşar Kaya ev demeke bi serdaneke taybetî li başûrê Kurdistanê ye.

Kaya li Hewlêrê çû serdana liqê 3. yê YNK. Li wir berpirsiyarê YNK Dr. Saadî Pîrê çû pêşwaziya Yaşar kaya.

Di vê hevdîtinê de li ser rewşa Iraqê bi giştî û bi taybetî li ser pêşveçûnên li Kurdistanê hate rawestandin. berdewam

Rewşa medyaya kurdî li başûrê Kurdistanê di semînerekê de li Bonnê

Bonn-AVESTA: Li bajarê Bonn di derbarê rewşa medyaya kurdî de li başûrê Kurdistanê, sernivîserê rojnameya Kurdistanî Nû Kawa Mewlûd û cîgirê serokê sendîkaya rojnamenûsên Kurdistanê Mustafa Salih Kerîm civînek lidar xistin.

Piştî ku serokê Navendê Metin Incesu ve bixêrhatina mêvanan kir, sernûserê rojnameya Kurdistanî Nû Kawa Mewlûd li ser rewşa rojnamegeriya kurdî li başûrê Kurdistanê bi giştî û bi taybetî li ser Kurdistanû Nû axifî. berdewam

Li Dresdenê PENa KURD hevdîtineke wêjeyî pêk anî

Dresden-AVESTA: Li Almanya bajarê Dresdenê, PENa KURD ji bo nivîskarên Kurd û Alman hevdîtineke wêjeyî pêk anî. 

Serokê PENê Dr. Zerdeşt Hajo di  axaftina vekirinê de bal kişande ser wê yekê ku ew bi van hevdîtinan armanc dikin ku nivîskarên Kurd bigihînin hev û ji siyasetê dûr ew li berhemên hev guhdarî bikin.

Hajo got, derfetên wan têra wê yekê nakin ku ew çalakiyên wiha bi dorferehî pêk bînin: “PENa KURD rêxistineke serbixwe ye, heya niha wê tu alîkariyeke madî ji tu aliyan nestandiye, xebatên heya niha hatine kirin wan bi xwe ji endametiya endaman fînase kirine, heya gelek caran wan ji berîka xwe jî dane…” berdewam

Sê Rojên Tije û Şevek

Arşevê Oskan

Di roja înê, di wan kêlîkên ku gelek dilgirê ziman û gotina kurdî li hev civiyabûn, kongireya Hevgirtina Rewşenbîran despêkir. Wek hercar gazin, gilî, hevgirtin û carnan jî, hetikandin. Hevalekî bi hevokekê li ser nakokiyên ku di navbera endaman de çêbûbûn, got: „Heger me hemiyan lihev kiriba, ez guman ketibama, ku em ne Kurd in“. Daneşîneke tije gotin û têbînî, tije zimanê kurdî. Ji bilî zimanê kurdî, tu zimanên din nehatin peyivîn. Wan zimanên dinê, erebî, turkî, farisî... ji ber xwe şerm kirin, dema ku diser bîst dilgirtiyên zimanê kurdî lihev kom bûbûn, xatirê xwe xwestin û ji odeya kongirê derketin.  

Me ji wir berê xwe da sînemeya kurdî, me hêsirên Bêxal hijmartin, me di nêrîn û temaşekirina filimî de, (Hêsirên Bêxal) gelek birînên din dîtin, ... berdewam

Derçûna Dewreyeke Pêşmergeyên Zêrevan

AVESTA (HEWLÊR/HESEN ELÎ)

Di demeke wiha de ku roja referandumê ji bo Destûra Bingehîn ya Iraqê nêzîk dibe de (15 Cotmeh) li paytextê li Hewlêrê li serleşkeriya Pêşergeyên Zêrevan dewreyeke leşkerî der çû.

Di vê dewreyê de 200 pêşmerge derçûn.

Vê dewreyê roja 16 Tebaxê dest pêkiribû. Navê Dewreyê jî “Dewreya Tebaxê ya Perwerdeyê” bû. 16 Tebaxê salvegera damezirandina PDK bû.

Di merasîma derçûna Pêşmergeyan de ku saat 11.00 li gora dema Hewlêrê dest pê kir, Serleşkerê giştî yê Pêşmergeyên Zêrevan General Azîz Weysî, Parêzgerê Hewlêr Newzat Hadî, endamê Felek Dr. Abdulrahman, serleşkerê Pêşmergeyên Helgort General Helgort û gelek serleşker û ...berdewam

Fatê Were Civatê -1-