FM 2000

RadioSBS

D. Emerika

Jiyana Barzanî dibe fîlm: Omer Şerîf rola Barzanî dilîze

Hewler-Avesta: Li ser vexwendina serokê hikûmeta Kurdistanê derhênerê Kurd yê navdar Elî Bedirxan li başûrê Kurdistanê ye.

Hate ragihandin ku armanca serdana wî ya Kurdistanê çêkirina fîlmekê ye ku ser jiyana nemir Mele Mistefa Barzanî ye.

Bedirxan di cîvîneke çapemeniyê de li Hewlêrê got, ewê filmê bi alîkariya sînemaya Misr û Holywoodê çêbike.

Diyar bû ku ihîmaleke mezin heye ku actor û lîstikvanê navnetewî Omer Şerîf rola Barzanî di filmê de bilîze.

berdewam

Îro li parlamentoya Ewropa pirsa Kurdên

Suriyê, Iran û Iraqê tê gotûbêjkirin

Avesta: Li Parîsê îro Meclîsa Parlamenterên Konseya Ewropa pirsgirêka Kurdan gotûbêj dike.
 

Ev civîn divabû berî niha bihatiba kirin, lê ji ber ku Tirkiyê mudaxele kirin û berpirsiyarê maseya Tikriyê Murat Marcan civîn protesto kir, ew bi paş ket.
Di vê civîna îro de wê rapora parlamenterê înglîz Lord Russell Johnston (foto) di derbarê Kurdan de were munaqeşekirin.

Rejîsorê Kurd yê navdar Elî Bedirxan gihişte Kurdistanê

Avesta-PNA- Roja 17.01.06 derhênerê misrî yê Kurd, xwediyê gelek fîlmên bi nav û deng Elî Bedirxan (foto, Pukmedia) gihişte paytexta Kurdistanê Hewlêrê.

Armanca Elî Bedirxan ji vê serdanê ewe ku fîlmeke dokumentar û dîrokî di navbera Hewlêr, Qahîra û Hollywod çêbike.

Çavkanî diyar dikin ku wê ev film jiyana rehmetî Melle Mistefa Barzanî bîne ser berdeya sînemayê.

Li balafirgeha navnetewî û Hewlêrê hejmareke mezin ji rewşenbîr, hunermend çûne pêşwaziya derhênerê Kurd.

Elî Bedirxan ji binemala Bedirxaniyan e, ew bi xwe kurê derhênerê navdar Ehmed Bedirxan e.

Hunermenda navdar û dilciwan Aslîka Qadir dizewice...

Porê wê reş bû... Porê wê zer bû... Porê wê kej...

Ew Aslika Qadir e...

Dengê Radyoya Yerîvanê bû...

Li gor agahiyên ku gehiştine  destê me, berendamê zavatiyê bazirganekî dönerê ye.
 

Zavayê berendam ji bajarê Agirî ye û berê li Radyoya Yerîwanê guhdarî dikir.

Ji ber Aslîka Qadir jî di wê radyoyê de stran digotin, ew evîndarê wê bû ye. 

Çarenûsê ew li Elmanyayê anîn cem hevdu... Pîroz be! (netaktuel)

Daxuyanî û lêborînek ji Elî Qazî

“Festîvala 60. salvegera Komara Kurdistanê li Hewlêrê pêk nayê”

Bonn-Avesta-Siyasetvan Elî Qazî (Kurî Reş) di derbarê pêknehatina Festîvala Komara Kurdistanê daxuyaniyek bi riya çapemeniyê li raya giştî belav kir.

Di daxuyaniya xwe de ku kopiyek jê gihişte Avesta, birêz Elî Qazî bi “ji bo gelê Kurdistan, ji bo hemû partî û aliyên siyasî, ji bo raya giştî û dezgehên ragihandinê, ji bo wan birêzan ku ji bo festivalê hatibûn vexwendin…” dest bi daxuyaniya xwe dike.

Qazî radigihîne ku “biryara hikûmeta herêma Kurdistanê wiha bû ku bi boneya 60. salvegera damezirandina komara Kurdistanê, Festîval roja 22.01.06 pêk bihata û 2 rojan berdewam bikira…”

Ji bo pîrozkirina 60. salvegera Komarê hejmareke mezin ji mêvanan ji her çar perçeyên Kurdistanê hatibûn vexwendin.

Kurê Pêşewa Qazî Mihemed Elî Qazî diyar dike ku ew kes ji aliyê Wezareta Rewşenbîrî ve hatibûn dawetkirin.berdewam

Berpirsiyarê giştî yê Kurdistan-TV Studyoya Ewropa Xelîl Sincarî ji bo Avesta axifî

Fotoyên Kokteyla K-tv  bi objektîva AVESTA

Kleve/Dilbixwîn Dara 8 sal di ser destpêka weşana Kurdistan TV re derbas bûn. Di van 8 salan de Kurdistan Tv sînor derbas kirin û li her çar perçeyên Kurdistanê li her malekê bû mêvan. Bi munasebeta 8. salvegera avakirina televîzyona Kurdistanê me xwest hinek agahdariyan ji birêz Xelîl Sincarî bistînin.

Roja (15.01.06) Studyoya Ewropa ya Kurdistan TV, kokteyleke taybetî bi boneya 8 saliya destpêkirina K-TV pêşkêş kir.

Gelek hunermend, rewşenbîr û nivîskarên weke Elî Qazî, Mehmûd Kilinc, Bayram Ayaz, Dr. Zerdeşt Hajo, helbestvan Hekîm Sefkan, Yilmaz Camlibel, Fettah Timar, serok Komkar, Cankurd û gelekên din beşdarî vê şahiyê bûn.

berdewam

Birayê Yaşar Kaya intîhar kir

Mehmet Kaya	Boran Kaya	Mehmet Kaya, cenaze

Köln/Avesta- Bînbaşiyê teqawût, birayê siyasetvan û nivîskar Yaşar Kaya, Mehmet Kaya îro bi sîlehê intîhar kir. Mehmet Kaya li Antalya xwediyê ronjnameya bi navê Akdeniz Haber Gazetesi bû.

Mehmet Kaya (66), bavê sipîkerê televîzyonê Bora Kaya bû ku berî 5 salan di qezayeke trafîkê de miribû.

Me ji mamosta Yaşar Kaya re telefon vekir, wî ev nûçe bi xemgînî piştrast kir. 

Kaya got, heya niha ew nizane bê çima birayê wî bi vî awahî dawî... berdewam

Kanî Yilmaz vedigere Almanya?

Avesta - Li gora nûçeyeke rojnameya Azadiya Welat, li başûrê Kurdistanê li bajarê Silêmaiyê di navbera berpirsiyarê PKK yê Ewropa yê berê Kanî Yilmaz û berpirsiyarên Almanî de hevdîtinek pêk hatiye.

Yilmaz ku berî demekê ji PKK veqetiya bû û ligel Nizamettin Taş û gelek berpirsiyarên PKK yên berê PWD avakiribû, bi Almanan re pirsa vegera Almanya gotûbêj kiriye.

Rojname radigihîne ku berpirsiyarên Alman ji Kanî Yilmaz re alîkariya xwe ya ji bo parastina wî anîne ziman...  .berdewam

Hêzên Tirkiyê 2 endamên PKK li Îzmirê girtin

Polîsên Tirk li Îzmirê 2 milîtanên Kurd ku tê gumankirin ew endamên PKK ne girtin. 

Li gora ajansa Anadulu ligel wan her du kesan 20 kîlo TNT hatiye girtin.

Li gora ajansê wan kesan xwestibûn li Tirkiyê bi çalakiyên teqandinê rabin.

Heya tu aliyên din ev nûçe piştrast nekirine.

Mijde bo te Ehmedê Xanî!

Konê Reş (Qamişlo)

Va herdû îdareyên kurdan yekîtîyek danîn,Kurdistanek ava kirin,  Êdî bes bibêje :  

Ger dê hebûya me îttîfaqek

Vêkra bikira me inqiyadek

Tekmîl dikir me dîn û dewlet

Tehsîl dikir me ilm û hikmet..

Îro (07.01.06) polîtbîroyên her du partiyên me (PDK û YNK ) gihiştin biryara yekkirina her du hikûmetan…”

Bi vê helkeftinê serokê Kurdistanê Mesûd Barzanî gelê kurd pîroz kir û got:

 “Ez gelê Kurdistanê, malbatên şehîdan û hemû partiyên siyasî û Kurdistanî bi vê gavê pîroz dikim… cejna we pîroz be:...

berdewam

Berpirsiyarekî Yekîtiya Alimên Ola Îslamî li Kurdistanê

ji aliyê emerîkiyan ve li Duhokê hate kuştin

Duhok/Kuna, Avesta: Yekîtiya Zanyarên Ola Îslamî li Kurdistanê daxuyaniyek belav kir û têde ragihand ku berpirsiyarê Yekîtiyê li Duhokê ji aliyê hêzên emerîkî ve di navbera Duhokê û Hewlêrê ve hate kuştin.

Yekîtiya di daxuyaniya xwe de diyar kir ku berpirsiyarê Yekîtiyê Mele Mihemed Mizurî bûye qurbanê vê êrîşa çekdar.

Yekîtî daxwaza lepersîna vê êrîşê dike... berdewam

 FLAŞ... FLAŞ... FLAŞ...

Her du îdareyên hikûmeta Kurdistanê bûne yek

Nêçîrvan Barzanî heya 2007 serokê Hikûmeta Kurdistanê ye

YNK: serokê parlamentoyê, wezareta hundir, Edalet, Plankirin, Tendurustî, Hatûçûn, Mafên Mirovan, Perwerde, Avakirin û Wezîrê Dewletê...

PDK:  Maliye, Pêşmerge, Xwendina Bilind, Ziraat, Karûbarên Şehîdan, Elektirîk û Belediye...berdewam

Li Nisêbînê kirîn û firotina mirîşkan hate qedexekirin

Avesta: Piştî ku nexweşiya mirîşkan li bakurê Kurdistanê belav bû, li gelek bajaran, di nav de Nisêbîn, kirîn û firotina mirîşkan, xistin û derxistina wan ji bajêr hate qedexekirin.

Qameqamê Nisêbînê Emiroğlu konuya daxuyaniyek da û got „ev tedbîreke li dijî belavbûna grîpa çûkan...“

Îro li Nisêbînê ji aliyê belediyê ve di hoparlonên mizgeftan de bang li hemwelatiyan hate kirin ku mirîşk û hemû heywanên bi bask nekirin û nefroşin.

Kurdistan Tv piştgirî da Roj Tv

HewlêrAvesta/Anf: Dewleta Tirkiyê di van rojên dawiyê de bi her awahî ji bo girtina televîzyona kurdî Roj TV, ketiye nava hemû liv û tevgeran.

Lê li aliyê din Kurd jî bi her awahî piştgiriyê didin Roj Tv.

Kurdistan TV ku ji Hewlêrê weşanê dike, di programeke bi navê Ronî de pirsa girtina Roj Tv û êrîşên dewleta Tirk li ser wê gotûbêj kir. Serokê belediya Diyarbekirê Osman Baydemir, Cîgirê Serokê partiya Civaka berdewam

Serokê Banka Kurdistanê Ethem Kerîm Derwîş:

„Em ji bo çapkirina peran amade ne“

Avesta: Serokê Banka Kurdistanê ya Navendî Ethem Kerîm Derwîş ji bo kovara tirkî Aksiyon axifî û got ku ew ji bo “çapkirina peran amade ne”

Bankaya ku berî du salan hate avakirin û di nava gelê Kurdistanê de weke Banka Herêmê tê naskirin, Kerîm Derwîş tevî 23 salên tecrubeya xwe seroktiya bankaya Kurdistanê dike.

Kerîm Derwîş diyar dike ku eger Kurdistan serbixwe bibe ew amade ne peran çap bikin.

Derwêş dibêje, “eger were xwestin, em dikarin niha jî peran çap bikin, lê belê mercên niha rê nadin”

OSMAN SEBRî

Siyamend Brahîm

Dewlemendiya jiyana Osman Sebrî çi di warê rêzanî, civakî, an jî berzbûna wî ya herî balkêş di cîhana rewşenbirya kurdî de cihekî bilind girtiye. Dr. Nurdîn Zaza der mafê Osman Sebrî dibêje: "Osman peyakî zîrek û hingê bi kurmanciya axaftinê xweş dizanî, xwedan kurmanciyeke bilind bû û xweşik bi rengekî berz û bilind bala mîr Celadet Bedirxan kişand. Di hejmara yekê ji kovara "HAWAR" gava mamoste Qedrî Can helbesta xwe ya pêşî diyarî hevalê xwe Osman Sebrî kir û têde jiyana xwe li welatê xwe, li nav bav, bira hestê xwe diyar dike û dibêje:

berdewam

Seddam Hisên: “Min daneleqînin, min gulebaran bikin"

Avesta: Seddam Hisên ji mirinê natirse, lê naxwaze were daleqandin, eger ku cezayê îdamê bidin wî, ew dixwaze were qurşînkirin. Wiha dinivisîne rojnameya Washington Post

Rojnameya Washington Post  li ser navê parêzerê Seddam Hisên Îsam Ghazzawî diyar dike ku Seddam îdamkirina bi riya qurşînkirinê tercîh dike.

Seddam bi qasî 5 saatan ligel avukatê xwe hevdîtinek pêk aniye û wî di wê hevdîtinê de gotiye ku ew hîn jî serokê qanûnî yê Iraqî ye.

Avukat ji Washington Post re dibêje: “Seddam ji min re got, ez ji mirinê natirsim, eger ku bixwazin min bikujin jî bila ne daleqandin be, bila min bidin ber qurşînan…”

Piştî 76 salan bi riya internetê xûşka xwe dît

London (AFP/Avesta): Doris Coughtrey (79), ya înglîz xûşka xwe ya ku ev 76 sal bûn nedîtibû , bi riya înternetê Irene (85) dît.Li bakurê Londonê Doris û Irene ji dayîk bûbûn. Piştî ku diya wan miribû, ew li cem malbatên cuda hatibûne xwedîkirin. Cara herî dawîn wan di sala 1929 hev dîtibûn. Wê demê Doris 3,  Irene jî 9 salî bû. Doris di 2005 ji cîrenekî xwe re behsa xûşka xwe dike. Cîranê wê Gordon Low piştî ku li çîroka Doris guhdarî dike, bi riya malpereke internetê li xûşka wê digere. Piştî 4 rojan Doris xûşka xwe dibîne.Doris destpêkê neviyekî Irene dibîne, piştre jî piştî 76 sala cara yekemîn bi xûşka xwe re bi telefonê diaxife. „Em gelekî giriyan“ dibêje.

Parlamentoya Suriyê Xeddam xayîn îlan kir

Meclîsa Suriyê îro di rûniştineke taybetî de hevpeyvîna cîgirê serokê Suriyê yê berê Ebdulhelîm Xeddam ligel televîyona Al Arabiye gotûbêj kir.

Xeddam di hevpeyvîna xwe de êrîşî serokê Suriyê û hêzên istîxbaratê kir û ew weke qatilên serokwezîrê Libnanê Refîq Herîrî bi nav kir. Îro (31.12.05) parlamentoya Suriyê îro êrîşeke tund bire ser Xeddam û ew weke xayînekî mezin bi nav kir û xwest ew bi sûcê xiyanetê mehkeme were mehkemekirin...

Cîgirê serokê Suriyê yê berê Abdulhelîm Xeddam

rexneyên dijwar li Beşar Esed digire:

“Beşar Suriyê xistiye nava mayînan...”

“Rustem Xezalî qatil û dizek bû”

“Li Suriyê qanûn tu neye, qanûn di dest grupa Beşar Esed de ye”

“Beşar ji Herîrî re got: “Emê wan kesan bi erdê re bikin yek eger ku bi gotina me nekin”

Paris/Avesta:  Cîgirê serokê Suriyê yê berê Abdulhelîm Xeddam di hevpeyvîneke taybetî de ji Parîsê ji bo televîzyona Al Arabiye, rexneyên dijwar li serokê Suriyê girt û got...”  berdewam

Los Angeles Times: “Tirkiyê xwest 14 mîlyon Kurd asîmîle bike”

Rojnameya emerîkî   Los Angeles Times di nûçeyeke xwe de nivîsand ku li Tkrkiyê bi qasî 14 mîlyon Kurd dijîn. “Kurd kêmnetewa herî mezine li Tkrkiyê, nimûsa Kurdan li Tirkiyê 14 mîlyon in. Zimanê kurdî ji tirkî cuda ye. Tirkiyê heya 1991 polîtîkaya asîmîlekiirne li hember Kurdan meşand. Ji ber vê yekê jî kurdî hate qedexekirin”   Los Angeles Times nivîsand. Di nûçeyê de hate nivîsandin ku ji ber nivîsandina bi kurdî gelek kes hatine cezakirin û gelekî jî ketine zindanan. Kurdî li Tirkiyê sûcek bû. Los Angeles Times radigihîne ku TRT dest bi weşana kurdî kir, lê ji ber naveroka wê, nehate temaşekirin.

Posta serokomariyê dîsa para Kurdan e

Avesta: Li gora hinek çavkaniyan, di hikûmeta Iraqê ya pêşerojê de, wê posta serokomariyê dîsa para Kurdan be.

Ew çavkanî diyar dikin ku, Kurd û Erebên Şîî li ser hinek postan li hev kirine.  

Li gora vê lihevhatinê wê hikûmeteke berfereh were damezirandin.

Di hikûmeta pêşerojê de, serokomarî dibe para Kurdan, serokwezîrî ji bo Şîîyan, (Adil Ebdulmehdî), ji Eniya Tewafiq ya Iraqê Dr. Tariq El Haşimî ji bo seroktiya Parlamentoyê.

Çavdêrên siyasî diya dikin ku posta serokomariyê careke din bibe para Mam Celal, lê belê di civîneke çapemeniyê de serokê Iraqê Celal Talabanî li Dukan got, eger ku çerçeveya hukumdariya wî neyê ferehkirin ewê careke din nebe kandîdat, û berendamiya wî di destê Hevpeymana Kurdistanê de ye.

Sefîn Dîzayî ji bo PKK efûyeke giştî xwest

Ankara/Avesta: Şandeyeke Partiya Demokrata Kurdistana Kurdistan bi serdaneke giştî gihişte Enqerê.  

Di hevdîtinên fermî de, şandeya PDK ji berpirsiyarên Tirkiyê xwest ku ji bo milîtanên PKK efûyeke giştî derxîne.

PDK çareserkirina pirsa kurdî li bakurê Kurdistanê di çerçeveya efûyeke giştî bi riyên diyalogê dinirxîne.

Çandeya di bin seroktiya Safîn Dîzayî de (foto), her wiha bi berpirsiyarên Tirk pirsa hebûna PKK li başûrê Kurdistanê jî gotûbêj kirin.

Li gora agahdariyên di dest de, serdana vê şandeyê wê riya ziyareta serokê Kurdistanê Barzanî ji bo Tirkiyê veke.

Bîraya kurdî ROJ di Washington Post de

Avesta: Nedana lîsansê ji bo bîraya kurdî ROJ ji aliyê berpirsiyarên Tirk ve bû mijara yek ji mezintirîn rojnameyên cîhanê Washington Post.

Washington Post dinivisîne ku ev 18 mehin berpirsiyarên bîraya ROJ li bendê ne ku lîsansê bistînin, lê belê nikarin bi dest xwe ve bînin. Bîraya ROJ li paytexta Nemsa li Viyena tê amadekirin.

berdewam

Kî li pişt vê tevlîhevî û bêhurmetiya Kemal Qadir e?!

Tengezarê Marînî

Di van demên dawî de û bi taybetî van serkeftinên mezinên yên li başûrê Kurdistanê bi dest xistine- Ev destkeftinên ku hemî parçeyên Kurdistanê mefa jê werdigirin- hişê nehezên miletê kurd hejand û li hev êxist.

Di berî şerê rizgarkirina Iraqê de û ta vê rojê, helwest û bizavên kurdan, bizavên pir hêja ne û tenê di berjewendiyên gelê kurd de ne. Di vê qûnaxê de serkirdayetiya kurdistana başûr bi Duplomasiyeke zîrekane beramber pîlan û lîstikên siyasî yên qûnaxa nû rawestiyan, di vir de jî berjewendiyên kurdan û hêzên hevpeyman di hinek xalan de gîhane hev, ev bû sedema dûrkirina Turkiya ji qada Îraq û Kurdistanê... 

berdewam

Kurd û demokrasî

Heyder Omer

- Bikaranîna demokrasiyê xweamadekirin jê re divê, xweguhertin,

ne xwepînekirin, jê re divê.

- Her ku bergeh di navbera gotin û kirinan de fireh dibe, ewqas jî karînên miletan di wê bergehê werdibin, û ji hêz dikevin.

- Civaka gundîtî û bi paş ve mayî rexneyê wek sedema xirabkirinê dibîne.

- Guftugowên Kurdî li ba Kurdan pêrgî guhên guhdar nabin.

- Xuya ye, ku siyasetmedarên me hîn nbûne, ku cemawerê

Kurd nema tenê guhdar dimîne, belê rola hevpeyvîner jî standiye.

berdewam

Kitêba Giranbuha

Eskerê BOYÎK

Sitiran, reqas û sazbendya kurdî, çawa şaxekî hunurmendiya Rojhilatê ya xweyî xisûsî û dewlemend timê jî bala zanyarên gelên cînar û eweopî kişandye ser xwe û bilind hatiye qîmetkirin. Hê destpêka sedsala 19 an ji ailyê gelek nivîskar, zanyar, dîplomat, mûzîkzanên biyanî da gelek stran ji zarê dengbêjên Kurd hatine girtin, weşandin, li arşîv û kitêbxanên welatên cuda da heta niha jî tên xweyîkirin... Salên sîyî girtî (sedsala borî) gelek zanyarên Kurd jî: wek Hecîyê Cindî, Emînê Evdal, Ordîxan û Celîlê Celîl, Nûra Cewarî, Cemîla Celîl li weletên Sovêtstana berê û usan jî seydayê mezin Cegerxwîn, gelek zanyar, nivîskar, rojnemevanên Kurd e din li welêt û dervayî welêt ketine di nav vî karê welatparêzî pîroz... Karne piraktîke mezin ji alyê radyîoya Yêrêvanê ya Kurdî û Têlêvîzyon û radyoyên Kurdîye din va hatye û niha jî tê kirin...

 berdewam

Xelata Rêzgirtinê ji bo Keremê Seyad

Hewlêr/AVESTA: Wezareta Rewşenbîrî ya herêma Kurdistanê xelata Rêzgirtinê da birêvebirê radyoya Yêrîvanê-beşê kurdî Keremê Seyad.

Keremê Seyad dirêjiya 45 salan di radyoya Yêrîvanê de xizmet kiriye.

Ew di sala 1938 gundê Mekoyî li navçeya Talîn ji dayîk bû ye.

Wezîrê Rewşenbîrî Samî Şoreo di dema dayîna xelatê de got: cihê Radoya kurdî li Yêrîvanê di nava medyaya kurdî de cihekî berz û bilind e. cihekî taybetî heye. Keremê Seyad nêzîkî 50 salî di vê radyoyê de xebitî ye… cihê rêzgirtinê ye.

Keremê Seyad jî ji aliyê xwe ve behsa serdana nemir Mele Mistefa Barzanî ji bo radyoya Yêrîvanê kir û got: di sala 1958 de nemir... berdewam

Ew Dest li

Beramberî...

Xizmeta Tirk û

Tirkîyayê!!!

17 Kanûnê 61´mîn Salroja Bilindkirina Ala..

Hunermendekî Kurd ÎSSA

 Hêvîdar Zana

Ehmed Onal

Kakşar Oremar

Selîm Hesen

Wezîrê Derve yê Iraqê Hoşyar Zêbarî li Parîsê li Meclîsa Netewî ya Frensî hevdîtineke dîplomatîk pêk anî

Dilbixwîn Dara ji Parîsê radigihîne

Wezîrê Derve yê Iraqê Hoşyar Zêbarî li paytexta Fransa li Parîsê li Meclîsa Netewî ya Frensî hevdîtineke dîplomatîk pêk anî.

Zêbarî li Parlamentoyê ligel parlamenter û endamên pêwendiyên derve civiya.

Di hevdîtinê de serokê komîsyoya Pêwendiyên derve di meclîsê de Eduard Bladour ji Zêbarî re diyar kir ku ew hêvîdarin pêwendiyên wan her berdewam bin û her ku biçin xurttir bibin. Bladour got bi qasî ku ji dest wan were ewê piştgiriya gelê Iraqê ji bo serkeftina hilbijartinan bikin. ...

berdewam