Ev çend rojin ,Şivan Perwer,Dilbixwîn Dara,Şirwan Hecî Berko û gelek kesên ku li ser internetê bi vê mijarê têkildardibin,têne xewna min.

Bi şûr û rima diçin hevdû.

Pênûs li bin guhê tembûra,tembûr li bin guhê rojnamevanan dikeve.

Şêrwanê Heci Berko diçe serê pênûsa xwe tûj dike,weka zextekê li mamoste Şivan dide û di nava tarîyê de wenda dibe.Heta Şivan li xwe di zîvire,Şêrwan winda dibe.

Lê tesaduf,Dilbixwin di wirre di meşe!Hem di meşe û hem serê pênûsa xwe tûj dike.Şivan weka kû ew di ser sûc de zeftkiribe êrîş dibe ser Dilbixwîn û di xwaze kulmekê lêde,lê na gihêje Dilbixwin.

Ez di xwazim herim wan li hevbînim û em bi hevre kîlok helaw bikirin û ban Şêrwan Heci Berko jî bikin û em devê xwe şêrîn bikin.

Di wê hengedengê de destê xwe di avêjim bêrîka xwe,ne pere û ne centek.

Destê xwe di avêjim bêrîka xwe din ku kertabankê derxim û bi rêka elektronîk heqe helawê bidim.

Tew dinêrim li gundê mûsıka li dikana İsmet ê korim.ê xewne keko!

Çi elektronik û çi hal.

İsmetê kor henekê xwe bi min dike û çend xeberên gurmizî jiminre dide û şimika xwe derdixwe di avê je min.Ji tirsa re,ez serê xwe ji ber şimika xalê İsmet didim alî.Lê vê carê serê min,li textê razanê di keve û ji xew şiyar dibim.

Êdî ne xewne!

Destê sibê ye! Ji bona vê buyerê acizim û keserekê dikşînim û ji xwere dibêjim:

-Mêran mêr dikuştin,Sinem xanimê hûr di şuştin.Li mebe û li jalê me be.T.C bi sedhezaran leşkerê xwe daxistîyê sînorê Kurdistan a Azad.Diçe ser zarokên Kurda.

Di plan de heye ku wan hal bikin û Kurdistana Azad jî têxin binê kontrola xwe.

Sazî û komeleyên me hewceye bi hevdûre rabin ser pîyan,raya giştî ya Ewropa li hember vê durûtîya dewleta T.C hişyar bikin ku ji alîyekî Kurd açılımı dibeje û ji alîyê din ve xwîna zarokên Kurdan di rêje.

Lê komele û sazîyen me rabûne şûr û rimmên xwe kişandine,weka ku ew leşker diçe ser Şivan,dibêjin Şivan ne tenê ye û meselê kûrtir dikin.weka kû Dilbixwîn an Şêrwan ê Hecî Berko hevalê dewleta neyarin û êrîşan dibin ser hunermendekî Kurd.

Ma kî nikare bi Dilbixwin ku rojeke bawernakim şerê kesekî kiribe.Şêrwan ji nêzve nasnakim lê Dilbixwin ji nêz ve nasdikim.Mamoste Şivan jî baş Dilbixwin nasdike û baş dizane Dilbixwin na xwaze dilê kesekî bihêle.Ew tenê xwedîyê dilekî bi xwîne.

Dilbixwîn û mamoste Şivan dostê hevdû qadîmin.Heger hun li arşiva avesta binêrin hunê fambikin.Lê mesele çîye.Dilbixwîn nivîsa Şerwan di malpera xwede weşand.

Li gora min ev ji tesarufek malpera avesta ye.Merev nikare tenê bi kesekî ve girê de.

Mesele eve!

Mamoste Şivan li ser sahnê dibin atmosfera muzikê de henekek kiriye an nîvhenek û nîvrexne.Dinya xera nebû.Dinya qet xeranabe!

(Em hunermend hemi li ser sahne carna henekan dikin.)

Heger Şerwan bi zimanekî nermtir binivisanda çêtirbû.Lê li gora xwe rojnamegerî kirîye.Dîsa dinya xera nebû.Şêrwan xorte û bi heyecana rojnamegerîya xortanî bi lez û bez ew nivîs weşand.Dinya dîsa xera nabe!

Mamoste Şivan bi çar gotinên maqûl dikaribû pêşîya hemi gengeşîan bigre û bigota:MİN XWEST HENEKEKê BİKİM.HEGER HENEKA MİN MEXSEDA MİN DERBASKİRİ BE EZ LêBORîNA XWE Jİ RAYA GİŞTî û PEŞMERGE DİXWAZİM.Wê ji ragihandiên wî çêtirbûya û bandorek erênî bikira.Ewqas dûr û dirêj ne dibû.

Lê piştî ku D.Dara ragihand ku Şivan ew bi lêdan û kuştinê tehdît kirîye,û gotinên ne xweş gotine,rewş yekcar tevlihev bû.

Di dixwazim weka hunermedekî Kurd bêjim,herdem cîyêmin,li ba hunermenda ye.

Min gelek car li hember sazî,partî û komeleyan hevalên xwe hunermend bi heq û hiqûk parastîye.Ezê tucarî ji vê helwesta xwe dûr nekevim.Min gelek car Şivan,li hember buyerên ku qewimîne,parastîye!Hewceyî ispatê nîne û ispata mezin wijdanê minî rihet bi xwe ye!U minneta min jî li kesekî tune.

Dema hunermendek rabe hevalê xwe bi parêze,di eynî wextê de xwe di parêze.

Lê heger mamoste Şivan rabe rojnamevanan bi kuştinê tehdît bike an xwe tevlî buyerên bi vî rengî bike(hêvîdarim ne wisa be)heyf û mixabine.Nayê parastin.

Naye pejirandin.Tene dikarim bi vê nameya vekirî ji kekê xwere bêjim xwe dûrî van buyeran bike.Dibe ku niha hinek rabin bêjin mamoste ka daxuyanîyekê li hember Brader jî bide.Bineeeeer,ew jî te rexne dike mamoste!Nebî nebî keko! Neyê listika cahil û cihûlan.Heger dilê min jibona keda te,xebata te ne razîbûya belkî min ev nivis ne nivisanda.

Lê ne meselekî ku hal nebe.

Bêhna mamoste Şivan teng bû û hate galeyanê.Hinekan jî ew tûj kir û mamoste hêc ket û ev êrîşkirin.Hestên hunermendan gelekî tenikin û nazikin.Hunermend bi hestên xwe jiyan dikin.Pêwiste merev vê taybetîya hunermend bide ber çavan û bi nermayî nêzîk bive.Helbet kêmasî hebin gerek bi awayekî erênî rexne bive.Kêmasîya kû Şivan

û em hemi dikevine eve ku em toleransê tenê jibona xwe,rexne jibona hevalê xwe di xwazin.Em gerek xwe ji vê kêmasîyê xelas kin.U tiştê ku em ji xwere di xwazin,em karibin ji birayê xwere,ji hevalê xwere jî bi xwazin.Heger rexne,ne di ciyê xwe de bin, merev dikare xwe bi parêze.Ne ku êrîş bike.Heger êrîşkar,rojanmevan,hunermend û rewşenbir be,wê halê insanên me yên ji rêzê çawa be?

Loma dibêjim tolerans pêwîste.

Lewra dibêjim,hevalno,rewşenbîrno,hunermendno,komele û sazî û malperno!

Hêvîya min ji we heye!

Heta hun dikevin enîyan û şer kûr dikin,werîn em vê buyerê bi biratî çareser bikin.Bila ev birayên me her yek bi çend rêzan lêborîn ji hev bixwazin û herkes karê xwe berdewam bike.Heta ku hinek xwe bidin alîyê Rojnamevanan û hinek xwe bidin aliyê Şivan û weka ku meselekî netewîye û hevdû tawanbar bikin,heger em karibin mesele bi aşitî hal bikin.

Heger mamoste Şivan rabe bêje min xwest henekê bikim,lê ger heneka min mexseda min derbas kiribe û di vê navberê de min dilê hevalên xwe hiştibe lêborîna xwe di xwazim.

Şêrwanê Berko jî bêje heger nuçeya min armanca min derbaskiribe,ez ji raya giştî û ji mamoste Şivan lêborîn dixwazim,bawerim Dilbixwîn ji wê tevlî vê aştîyê bive û meselekî magazin ku niha ketîye pêşîya meseleyên me yên netewî,tête girtin.

Ji bîr nekin,em ji hevdûre çiqas bi tolerans û evîn bin,ewqas neyar wê hesabê me bikin û ji me bi tirsin.Aşîtî û tolerans pêwîste.

Silav û rêz ji we hemîyanre!