Avesta – Îro rojnameya Azadiya Welat nûçeyeke polemîk weşand “KURD1`Ê BI DIZIYÊ DEST BI WEŞANÊ KIR”.

Avesta - Piştî dengdana weşandina nûçeya  ku ji aliyê Ajansa nûçeyan ANF hatibû amadekirin û ji aliyê Amîdakurd hatibû wergerandin ji bo zimanê kurdî bi sernîvîsê “"Kurd 1 Bê Destûr Fîlm Weşand", her wiha Avesta ev nûçe weşand “Di navbera Kurd 1 û Rojtv de alozî derket”.

 Balam îro Azadiya Welat û piştî du rojan ev nûçe belav dike, Azadiya welat tiştekî li ser navaroka ku li Amîdakurd û Avesta hatibû weşandin zêde nake,  tenê çend guhartinên biçûk.

 * Mînakek:

 Nûçeya ku li Amîdakurd û Avestakurd hate weşandin:“Lê berpirsên Roj TV jî diyar dikin ku ev werger ji aliyê wan ve hatiye kirin û yên ku dublaja fîlmê kirine hîn jî ji bo wan bername çê dikin”.

 Azadiya Welat: “Lê rêveberên Roj TV`ê ev îdia derewandin û gotin ku fîlm ji aliyê Roj TV`ê ve li kurdî hatine wergerandin û kesên ku dublaja fîlman çêkirine hê jî di Roj TV`ê de dixebite”.

Azadiya Welat Parîs weke çavkaniya nûçeyê bi nav dike, lê mirov tênagihêje çawa ku Azadiya Welat gîhîşte vê encamê û KURD1 diz derxist. Gelo lêkolîn û lêpirsîn hebûn ji bo naskirina gunehkarê vê aloziya komîk û trajîk di navbera televîzyonên kurdî de.

 Ji Ciudad Real: Zinar Ala