Kurd1 tv di meha rojiyê de bi gelek bernameyan xwe nuh dike, lê para rojavayê Kurdistanê têde nîne

Kurd1 ji 22 tebaxê û pê de bi gelek bernameyên nû weşana xwe dewlemendtir dike.Gelek bernameyên taybetî ji bo meha Remezanê hatine amade kirin.

Bernameyên nû ev in:

Civata Fatê: (Her şemî saet di 22.15an de) Bernameyeke muzîkê ye, hunermenda hêja Fatê bernameyê birêve dibe. Di bernameyê de gelek dengbêj û hunermendên kurd ên Kurdistanê û yên li ewrûpayê hunera xwe pêşkêş dikin.

Kevanî: (Her şemî saet di 19.30an de) Bernameyeke xwarinê ye ku ji alî Jiyan û Fatmayê ve tê birêvebirin.  Di bernameya pêşî de Fatma ji bo temaşevanan xwarina keşkê çêdike. Di bernameyê de henek û sohbet û muzîk jî heye.

Bijare:(Her înîyê saet di 19.30an de) Di vê bernameyê de kurdên bijare û dostên kurdan tên nasandin.

Bernameya taybetî ya meha Remezanê: Buroya Kurd1ê ya Hewlêrê amadekarê vê bernameyê ye, her roj berî fitarê melayekî kurd şiroveya dînê îslamê dike.

Berbang:  (Her pêncşem saet di 19.00an de) Bernameyeke yekser ji Diyarbekirê tê weşandin. Amadekarê wê Şêx Misbeh e. Di her bernameyekê de melayekî kurd siroveya Remezanê dike û li gel beyt û qesîdeyên kurdî û her weha roportajên bi xelkê re jî di nav vê bernameyê de cih digrin.

Sînema: (Her sêşem saet di 20.00an de)Di meha Remezanê de sezona Yilmaz Guney bi fîlma Belengaz dest pê dike. Her hefte dê fîlmeke Yilmaz Guney were ser ekrana Kurd1ê.

Dîroka Me: (Her yekşem saet di 20.00an de) Bi hin bernameyên nû, Dîroka Me weş ana xwe didomîne. Di meha Remezanê de M. Malmîsanij bi Dr. Ismail Beşikçi re hevpeyivîneke dûr û dirêj kirîye. Li gel gelek bernameyên teze ev bernameya Dr. Ismail Beşikçi jî wê bi çar beşan were pêşkêşkirin. Beşê yekem roja yekşemê di 30. 08. 2009an de dest pê dike.

***

Xoşebere: Bernameya Kirdkî-Zazakî ye ku heftê carê bi pêşkêşîya Deniz Gunduz tê amadekirin.  Di bernameyê de li gel sohbeta bi mêvanekî re her weha, stran, stand upp û û gelek tiştên din hene.

Şahî û Şadî: Bernameya dawetan e ku ji alî Berxwedan Selahedîn ve tê pêşkêşkirin. Di her bernameyekê de her carê daweteke Kurdan tê nîşandayin.  Roportajên bi mêvanan re, bi bûk zavayî re, hevpeyivînên malbatên bûk û zavayî re di her bernameyê de cih digre.

Dûrbîna Eyo: Eyo bi dûrbîna xwe bajar bi bajar û gund bi gund li Kurdistanê digere û herêm û adet û war û deverên cihê cihê yên welatê me tîne ser ekranê.

Keskesor: Bernameya zarokan Keskesor jî bi hin mijar û bi naverokeke teze li gel hin fîlmên nû tê ser ekrana Kurd1ê.

Konser: Kurd1 hem ji bo meha Remezanê û hem jî ji bo payizê li gel hunermendên kurd gelek konser amadekirine, wek: Çarnewa, Beyto Can û gelekên din.

Muzîk: Bernameya Muzîkê her berdewam e, lê di vê peryoda nû de amadekarîya klipên nû yên hunermendan hatiye kirin, ew jî dê peyderpey li ser Kurd1ê bên weşandin.

Dersa Kurdî: Bernameya ziman e ku ji alî Îbrahîm Seydo ve tê amadekirin, her roj saet di 17.45an de dest pê dike.

Dîmenên Jiyanê: Bernameyeke ji kar û jiyana rojane ya Kurdistanê ye ku ji alî Xecê ve tê pêşkêş kirin, bi gelek dîmenên nû yên jiyana rojane ya kurdan, tê ser ekranê.

Kevî: Bernameya taybetî ya li ser jiyana kurdên li rojavayê Tirkîyê û yên Kurdistana Bakur e. Her carê li ser mijarekê, pirsgirêkeke civata me radiweste.

Dokumenter ên teze û fîlmên nû: Kurd1 di destpêka payizê de bi gelek dokumenter, fîlmên nû û rêzfîlman pêşkêşî temaşevanan dike.

Weşana Kurd1ê di nav hefteyê de 8-9 saet e: Duşem-Îni  16.00-00.01

Şemî-Yekşem jî  18 saetan weşanê dike 08.00-00.02

kurdinfo

Avesta/Aro