Avesta - Nivîskarê civaknas Îsmaîl Beşikçi ku 17 salên xwe di girtîgehê de derbas kirine, li dû salan ji ber nivîseke xwe careke din...

Îsmaîl Beşikçi: Parçebûna Kurdistanê bûyera herî girîng e

Avesta - Nivîskarê civaknas Îsmaîl Beşikçi ku ji ber lêkolîn û pirtûkên derbarê pirsgriêka kurd de amade kirine 17 salên xwe di girtîgehê de derbas kirine, li dû salan ji ber nivîseke xwe careke din derkete pêşberî dadgehê.

Ji ber nivîsa Beşikçi ya bi sernavê "Kurd û mafê diyarkirina çarenûsa xwe ya kurdan" a di kovara Di Sedema Me de Hiqûq û Civak de hatiye weşandin, bi hinceta "propagandaya rêxistinê" kiriye, bi daxwaza 8,5 sal cezayê girtîgehê, doz lê hate vekirin. Doza ku civaknasê navdar Beşikçi û Midûra Karê Nivîsaran a kovarê Zeycan Balli Şimşek têne darizandin, îro dest pê kir.

Di rûniştiya yekemîn a doza li 11'emîn Dadgeha Ceza ya Giran a Stenbolê tê dîtin de, ji bo piştgiriya Beşikçi û Şimşek gelek ronakbîr û nivîskar amade bûn. Di dozê de nêzî 30 parêzeran Beşikçi parast.

Îsmaîl Beşikçi ku paraznameya xwe ya 2 rûpelî pêşkêşî dadgehê kir, diyar kir ku bêyî ku îfadeya wî bê girtin doz lê hatiye vekirin û got dema li Tirkiyeyê mijar azadiya ramanê be daraz alîgir tevdigere.

Beşikçi ku li dadgehê ramanên xwe yê nderbar pirsgriêka kurd de anîn ziman, got, "Pirsgriêka kurd pirsgirêka herî mezin a Tirkiyeyê ye. Serokwezîr jî vê dibêje." Beşikçi ku bi bîr anî îro di çapemeniya dîtbar û nivîskî de nîqaşên "pirsgirêka kurd çawa çareser dibe" têne kirin, wiha domand."Lê ya girîng ew e ku pirsgriêk bixwe û sedemên wên bên nîqaşkirin. Va ye ew nivîsa ku min nivîsandiye, derbarê pirsa ka pirsgirêk çi ye de ye û di vê miajrê de rexneyeke li jiyana siyasî ya tirk e. Parçebûna kurdan û Kurdistanê bûyera herî girîng a Rojhilata navîn e. Yên ku divê vê bûyerê biaxivin; zanîngeh, çapemenî û nivîskar in. Divê dozger li ser vê mijarê neaxivin."

Ak News

Avestakurd