Avestakurd - Serokê Herêma Kurdistanê Mesûd Barzanî diyar kir ku dê konferansa neteweyî ya kurd pêkbînin û dê bibe steratejioya kurdan bo aştiyê.

Avestakurd - Serokê Herêma Kurdistanê Mesûd Barzanî diyar kir ku dê konferansa neteweyî ya kurd pêkbînin û dê bibe steratejioya kurdan bo aştiyê.

Li gorî malpera Serokatiya Herêma Kurdistanê îro li Selahedîn Mesûd Barzanî pêşwazî li şandekî Partiya Aştî û Demokrasî (BDP) bi Serokayetiya Ahmed Turk kir.
di hevdîtinekê de, li ser çawayiya sazkirina konferansek li Hewlêra paytexta Herêma Kurdistanê de ku hemû aliyên siyasiyên Kurd têde beşdariyê bikin hate gotûbêj kirin.
Serok Barzanî sebaret bi wê konferansê tekez kir ku divê‌ bingehek ji bo vê konferansê bê kirin û merema sazdanê jî pejirandina aştiyê be û wekî stratejiyek Kurd bê ragihand ku divê‌ hemû aliyek hewla aştiyê bidin û nabê‌ kurd tevlî şer bibe.
Barzanî wiha destnîşan kir, “Herêma Kurdistanê dê piştevaniya aştiyê bike û hêvîdar e hemû partiyên Tirkiye piştgîriyê li vê pêvajoya aştiyê bikin, ji ber ku dinya gûheriye û ev çend salên derbasbûyî jî diyar kirin ku pirsa Kurd bi şer nayê çareser kirin, belkî bi rêya diyalog û danustandin û hevdû têgihiştinê çareser dibe”.
Ji bal xwe ve birêz Ahmed Turk ragihand ku divê‌ Kurd jî hêla aştiyê ji bo xwe birexsîne‌ û ev konferansa ku tê saz kirin jî hizra Serok Barzanî ye ku berî du sala xistibû rojevê, armanca sazkirina vê konferansê jî li hemû navçeyê da çespandina aştiyê ye.

Avestakurd